200128初四仍要抗疫步

今日係初四, 亦係正常新年紅假最後一日, 今日凍過昨日, 今早7 點, 我地果區係 9.6 度, 仲有雨粉粉.

媽咪同我繼續瞓, 到 10:30, 細媽話地面乾返好多, 我地又換衫出來大圍.

因為凍, 大細媽都唔勉強婆婆出來.

有奇遇, 我地開始起步, 去到文禮閣, 迎面而來有位不認識的婆婆, 當時, 雖然果位婆婆有戴口罩, 但睇到佢見到我係好開心樣, 我行埋佢腳邊, 跟住就似平時咁吠下打招呼, 媽咪怕婆婆以為我好惡, 走去吠佢, 於是同婆婆講, 我係同佢講恭喜發財, 身體健康, 婆婆好開心, 又摸下我頭仔, 跟住佢話拜完年, 僅係要逗下利是, 馬上拎封利是出來, 攝入我夾棉褸內, 搞到大細媽唔好意思呀. 馬上再祝婆婆, 身體健康, 望住婆婆開心步行樣, 為他人帶來歡樂, 全家都高興. 其實, 好多老人家同沙田街坊見到我, 我主動走埋去俾佢地摸下, 佢地不知幾開心.

今日係凍, 要曬多D太陽.

今日都有風.

有陽光, 都覺凍.

好彩無迫婆婆來.

同昨日咁, 行去沙燕橋過返對岸.

好大風.

奇怪, 呢邊無咁大風, 感覺舒服好多.

今日都係打算出來行下, 食個午飯, 馬上轉去飯堂.

來到, 姨姨們又問 : 婆婆呢 ?
婆婆, 你好多人關心你呀.