190601黃雨後齊腳晨步

婆婆日本旅行返來, 今星期又回復往時一樣, 四口組齊出動.

凌晨 00:45就開始雷暴警告, 仲要有埋黃雨, 我驚到唔敢瞓, 細媽惟有坐住抱實我成晚.

清晨 5 點, 終於除下了, 我同細媽可以有覺好瞓.

早上都無雨, 當然要出動.

細媽, 我地行下, 快快去食午飯, 你咪可以下午又陪我瞓囉.

雨後多菇.

 但通常有毒 , 唔好採摘來食.

豬腸豆樹開花了.

串串黃花.

到石船, 今日俾大細媽睇實, 無得鑽草地.

咁熱, 可以鑽下, 開心呀.

轉出城河畔, 佢地又玩健身設施.

我陪玩.

玩夠未 ?  行喇.

仲以為今早會有雨, 想唔到都有D曬.

但我都要有櫈就坐.

為自己謀福利.

無遮擋, 走快D.

今日, 婆婆都在我地視線範圍內.

婆婆, 唔好行太快.

熱熱, 今日要快閃.

一過瀝源橋, 要馬上轉.

次次都好趕

媽咪快步行, 今日又搵到風機位, 我又可以舒服開餐呀.