清明時節雨紛紛, 但又唔似呀.
只係一到陽明山莊郊野公園閘口位, 就見有一隻野豬散步, 細媽惟有抱住我先, 點知佢跟住我地, 好彩望兩望就行開, 行去搵食.
遠離野豬, 我可以安全自由行, 早上7 點半的陽光, 仍是柔和.
滿山嫩葉.
婆婆, 醒神啦.
以前, 清明節, 多數落雨.
當然都會有晴天啦.
無雨, 就唔怕成身濕.
野豬都會落水塘, 遠遠有一隻.
放大, 見嗎 ?
細媽話好耐無來, 又係喎, 成三個星期前事.
今日想有新意.
好似話今年多雨水.
幾時會滿呢 ?
山竹後, 我地無再行落霸底.
婆婆, 試下行啦.
婆婆決定呢邊石級落.
而我, 有老人優惠.
可以上私家車.
部車仲好實凈, 好好坐.
等婆婆.
齊人.
山竹前, 呢段路都好多枯枝同枯葉, 行到拮腳. 山竹後, 反而有人來清理晒, 成條路好好行.
回到分岔位.
今日無去第一個小休位, 惟有改在楓香樹燒烤場, 休息耐D.
現在, 陽光勁左, 唔可以企太耐.
我當然醒, 識搵位行.
最後一條石橋.
今日少左行山人.
係咪去晒拜山呢 ?
到大潭道, 真係無乜人來, 但車來時, 險些無位坐, 原來好多人真係中途落車, 去歌連臣角呀.
沒有留言:
張貼留言