190414雷雨前的開心晨步

期待今早無雨, 咁就可以出去行下.

天公鍚住我地, 我同婆婆又可以又行下城河.

雖然成日都行, 但每日都好似好新鮮, 婆婆都係周圍八.

婆婆, 專心行啦, 驚未行到飯堂就有雨呀.

有陽光喎.

咁, 應該無咁快就落雨卦.

現在都有D熱, 婆婆除左件外套, 就同我講 Bye Bye

同趕時間咩 ?

點都望唔到婆婆背影.

我惟有自己行下, 搵位休息下.

咁都好開心.

行下.

走下.

就到瀝源橋.

係度等下先.

婆婆去完廁所, 就識搵返我地.

齊人.

夠鐘.

今日來到, 剛好夠鐘, 又剛好得返我地想坐的一張圓檯.
本來, 今日好似無乜風, 姨姨走來開風機, 即時爽晒呀.

返屋企時, 的士伯伯吹水話今日有馬跑, 不嬲係跑完馬先落雨同行雷, 係咩 ?

點知 :

雷 暴 警 告

天 文 台 在 4 月 14 日 下 午 1 時 10 分 發 出 之 雷 暴 警 告 ， 有
效 時 間 延 長 至 今 日 下 午 5 時 30 分 ， 預 料 香 港 有 幾 陣 
雷 暴 。