180930洛在城河畔

昨晚季候風好強勁, 但今早, 強風沒有了.

180929秋意來了在大潭

原預報話呢幾日會炎熱, 但強颱風潭美轉左去日本, 香港就唔會受下沈熱氣流影響.

而東北季候風會在未來數天, 為華南帶來普遍晴朗及乾燥的天氣.

180925追月日行

昨日係中秋節, 但唔係假期, 加上又有雨, 當然等今日假期先出動.

我家飯堂 - 新廣發

今日到飯堂, 飯堂張貼左Banner, 沙角邨冬菇亭要重建, 改新形象, 即係加冷氣, 縮細範圍, 到時就無得俾我坐. 

第一次來時係 2013年 5 月 11 日.

飯堂明年二月, 就搬去對面博康大排檔, 姨姨話到時要貴兩蚊呀.

貴少少無問題, 起碼佢地都鍾意我地一班小朋友, 有地方俾我全家開心食, 已經好足夠.

怕遲D, 連博康大排檔都話要重建的話, 就真係無地方俾我地食野呀.

180923山竹後的城河畔

上星期日, 山竹亦都令城門河水位高漲.

180922山竹後的大潭

上星期日, 山竹摧毀了香港很多樹木, 屋企樓下的大樹經上年天鴿後, 今次更進一步倒下或折斷.

今早來大潭, 想睇下風災後情況. 大閘門前, 竟有部私家車停泊, 擋晒條路, 漁護署叔叔想駛車出去接員工都出唔到. 另一漁護署職員的私家車一樣入不來. 叔叔話D人太離譜, 如果係有意外, 救傷車入唔到郊野公園救人, 點算. 其中一個漁護署女職員, 以前做過警察, 用衫遮手來試開架車, 竟然係無鎖.

昨日有單持刀搶錢案件, 當大家都猜係咪失車時, 有兩名女子帶著兩小孩, 一個手抱, 一個坐BB車, 由郊野公園急急行出來, 其中一個女子急住行去部車, 連BB車都放手, BB車即溜後, 好危險. 果時, 所有人都鬧爆佢地, 但該兩女子似唔識聽咁, 行山客就話 : 你唔識廣東話, 我講英文, 你唔識英文, 我講普通話. 兩個一聲對唔住都無, 立刻上車. 部車咪係我身後著燈倒後緊囉, 漁護署部車仲等緊佢呀.

180916十號山竹

今日, 係我狗生的第三次經歷 10號颶風信號, 山竹在今早9:401掛起.

第一個係 2012-07-24的 韋森特

第二個係 2017-08-23的 天鴿

我可以安然在家, 多幸福.

希望在外的朋友仔, 能找到地方避風呀.

180915遊大潭在山竹來前

山竹來勢洶洶, 天文台預告星期日必定掛 8 號泳, 昨晚22:20, 天文台提早未入香港 800海浬, 就掛 1 號戒備信號.

颱風來前, 天氣多數明朗同熱, 襯藍天, 來大潭行行, 近排成日有雨, 個幾月無來.

180909說的秋意

話說今日會降低 10度, 最低至 24 度呀. 

24 度唔係熱, 無太陽曬住, 應該好舒服.

180908秋來了 ?

冷鋒昨日來到香港, 氣溫會明顯下降, 但昨日下午都30幾度啦, 降 10 度, 咪舒服囉.

細媽話今早睇天氣先決定幾點起身.

180907 ICHIBAN

自上次七夕會後, 食晒一星期藥, 便便仍係軟身.

醫生有提過可以試下長期食酵素, 睇下消化系統能否改善.

細媽改早晚都餵我食酵素, 又加埋益生菌, 又搵到一種純酵素, 希望有成績.

三星期了, 情況漸漸改善.

今晚, 媽咪先收工, 我就送份禮物俾佢, 就係 ICHIBAN呀.

好耐無成形得咁靚呀. 要繼續.

180902步堅持之二

又話今日出太陽, 細媽起身, 見天間, 有少少雨, 一睇手機, 6:45又雷暴警告, 跟住 7:40 黃雨, 都費事叫醒我地.

我急尿要去廁所, 媽咪半醒望天, 佢話反正都要同我沖涼, 照出去飯堂食午餐.

180901步堅持

又話今日會見陽光, 預左遲D起身才出門, 換好晒衫, 大雷雨又來, 等呀等, 婆婆想縮沙.

我地唔想婆婆變成一尊石像, 細左雨, 堅持出來.