今早凍凍, 又唔可以食早餐.
上年睇過醫生, 因為要全身麻醉, 當時大細媽心大心細.
但我左腳掌上的瘤仔, 仲係覺唔妥, 成日用脷仔搞到粒瘤仔又紅又損, 仲變黑左.
媽咪驚會持續發炎惡化, 又無可能成世都用紗布包住.
於是, 上星期四拍板, 去幫我約醫生, 順便割埋大腿上另一粒.
我以為細媽今早拎袋同我出街玩, 開心到好快跳入袋.
點知帶我來到診所, 全身即打震.
上磅, 5.7 kgs.
醫生話一個月前都驗過血, 血報告都正常, 所以今日唔駛再驗.
細媽放低我, 就返工, 我都好驚呀.
診所姐姐過左一輪來抱我, 我突然覺好攰, 迷迷糊糊瞓著了.
等我醒左, 發現仲在診所, 戴左頭罩呀.
好驚呀, 會唔會大細媽留低唔要我 😕
終於, 姐姐來抱我出去, 我見大細媽, 即好緊張, 在姐姐手中掙扎, 想飛撲大細媽度.
媽咪接上手, 我狂錫大細媽, 佢地無話唔要我呀😅
返到屋企, 大細媽睇清楚我傷口, 左邊毛毛剷左, 好彩毛夠長, 可以遮住唔覺.
狗生第二次剷光身, 傷口唔算大.
腳仔傷口都可以.
醫生話兩粒都係皮上肉瘤, 應唔係惡性, 可以唔駛浪費好多錢去化驗.
兩星期後拆線, 兩星期內唔可以濕水同沖涼.
要戴頭罩, 以防我用脷整濕腳仔傷口.
但我腰力好, 戴左都可以伸到脷仔到腳.
細媽請左星期二大假, 打算在家陪我術後第一日.
買大一個碼硬頭罩, 又令我飲唔到我, 又易甩, 又影響活動.
媽咪星期二收工, 即趕去買隻飛碟俾我.
舒服好多.
既然都脷仔伸到腳仔傷口, 媽咪惟有用紗布幫我輕遮傷口, 就算我又搞腳仔, 都唔會直接又整濕同整損傷口囉.
沒有留言:
張貼留言