初三赤口, 不宜拜年, 但我地無親戚, 大姨媽一家又不在香港, 暫唔團拜住.
昨午落雨, 又話今日早晚都有一至兩陣雨, 都係來港島行下好.
在家出來都好乾爽, 又比較暖, 想唔到一抵陽明山莊, 竟然全地濕晒, 仲凍凍地.
好彩有帶家褸仔保暖咋.
可能仍早, 唔多人, 都見到有朋友仔來晨運.
呢個小朋友, 用手拍我, 搞到要我同佢開年.
雖然無雨, 但手腳都濕晒.
婆婆都著少左衫, 好彩都係陽明山莊凍少少, 落到呢度暖左好多.
我識笑, 即係唔凍了.
今日唔大風.
但呢帶好多雲, 感覺潮濕, 落來一段, 仲覺有雨粉飄飄.
海拔低點, 四周比較清了, 仲溫暖了.
婆婆玩到第三日, 仲好精神, 因為我地日日都有午睡補眠.
今日唔覺肚餓, 大細媽都話神奇.
呢段路, 新鋪左黑砂, 拮腳腳痛, 我唔想行呀.
好彩, 媽咪抱我行到舊砂路, 平滑些, 我可以自己行返.
秋天紅葉期已過, 竟然仲有棵咁紅楓香.
鴻運當頭.
好事齊來.
我都覺好運, 因為無雨呀.
仲好舒服.
不經不覺.
又見大霸.
小休加埋行, 輕鬆兩個半鐘, 婆婆唔係太辛苦.
返到屋企附近食午飯時, 先開始有雨, 都話好運圍著我地啦😉
沒有留言:
張貼留言