170121慢活深井一圈

本來約左朋友仔去塔門, 點知早前天氣預告話今日會得 12 度, 婆婆夜上有幾聲咳, 怕佢坐船吹親, 咁啱高流灣士多又收爐, 於是改日再去.

想唔到, 今日起身都算暖, 仲有藍天.

原先聖誕安排來深井行, 跟住食大餐, 當時, 婆婆體力未復元, 推到今日.

對於婆婆來講, 最難係由深井上石級去清快塘, 怕唔夠氣.

但留在家更唔好.

媽咪帶漏行山杖, 好彩執到條粗枯樹枝, 又唔重, 好好拎, 婆婆篤住慢上.

預左比以前慢.

希望唔會變左食下午茶.

終於上到平路.

入冬咁耐, 鬼怒坑仲好多水源流下.

今日唔行山徑, 主力行石屎車路, 婆婆會舒服些.

差不多要兩個鐘先到清快塘.

楓香路仍有紅葉, 雖然唔算燦爛, 起碼都係今年冬季見過了.

溫度適中, 好舒服.

今日, 細媽話久違的笑脷仔出沒好多.

你地見唔到我.

我真係好鍾意入去水渠位, 唔明黠解呀.

又另一個.

係咪有D傻呢.

婆婆, 下山路, 你可以行得輕鬆多.

到休憩位, 又係排隊位, 細媽, 你仲排緊 ?

今日都好多單車, 我知要走開一邊避.

到閘位, 原來更亭換左, 管理員叔叔都認得我地, 話好耐無見我地來行.

到儲水庫, 即係好到深井村.

落斜, 婆婆一步一步, 我地全程都間中停一停等.

到終點.

快到兩點就到左餐廳, 仲有午飯食.

行左五個半鐘, 比預期好, 婆婆都好叻叻呀.