170110老狗粒

左後腳起初出左一小水胞, 慢慢過經年, 變成一粒肉粒.

上年中驗血時, 姐姐醫生話係老狗粒, 好多老狗都有, 無突然惡化, 可以唔駛理住.

但上星期四開始, 我自己終於發現呢粒肉瘤, 無聊時就舐下, 搞到又濕又損又腫.

星期二, 剛好細媽放大假, 於是帶我去睇醫生.
上磅有 5.9 kgs, 細媽又叫我減食了.
今日見姐姐醫生, 佢話粒瘤係皮膚表面, 我唔搞就無事, 仲幫我消毒下.

可以做手術割除, 先驗左血, 睇下可唔可以動手術.

報告出了, 正常呀.

但要全身麻醉, 細媽心都離了, 都係諗清楚先.

醫生俾左消毒藥水俾我洗粒粒.
媽咪每晚都幫我清洗, 吹乾, 綁上紗布, 以防我又舐.
經過幾日, 消腫了, 甩左的表皮都有埋口, 希望唔好惡化.
始終, 我年紀大, 全身麻醉有風險, 都唔好亂來住.