160625赤徑下水禮

上星期六, 媽咪突然諗, 個個星期假都晨早去城河門晨運, 悶左D, 於是提議去赤徑玩水.

由北澤坳起步, 都係斜落, 加上早出發, 唔會太辛苦.

我知今日出街, 但今早 5 點, 細媽都唔願郁, 平時晨運, 都係咁早起啦.

終於 07:49am起步.

雖然太陽升左好高, 但沿路樹蔭呀.


成五個月無來, 坐的士入來時, 媽咪見司機哥哥轉去鰂魚湖, 媽咪都仲驚訝, 以為哥哥去錯地方 XDXD

太耐無來, 太興奮.

沿途有小溪, 我可以一路行, 一路濕身.

話咁快到赤徑村.

入村前, 有條小河溪, 山水由高山流下.

我已急不及待, 自行落水玩.

水好冰凍.

水唔及深.

都係再行出D.

難得今日, 咁好天, 行下山, 玩下水, 再來大草地.

剛準備水漲, 行去河口同海水交匯位.

水咁深, 剛好夠我游水.

好耐無游水, 大細媽都以為我生疏左.

游完, 上岸休息.

再游.

全自動波.

來來回回.

唔記得游左幾多圈.

夠皮, 返埋岸.

游完, 仲有一樣未做.

當然要玩轉地.

不知幾爽.

剛才浸完海水, 都係返入去溪水沖下身好.

我地目標係坐 10:20am的渡輪返黃石, 要掌握好時間.

今日唔算, 大細媽話, 今日又要多來返.

僅係, 大浪西灣來回上落太斜, 又係沙灘, 我都唔鍾意係沙灘游水.

加上塌泥封路, 更唔會去.

呢度主要落斜, 我同婆婆都唔會太辛苦.

 又有廁所, 方便再沖多次身.

都係 10 點咋, 我地叫婆婆慢慢行去碼頭, 我地來往行多轉.

10:09am, 突然聽到有船聲, 就早有船 ?

媽咪八卦跑去問, 原來係環島輪, 呢程返黃石, 好彩叔叔等我地, 叫埋婆婆快步跳上船.

一問下, 原來呢班渡輪會到黃石後, 再去馬料水.

大細媽一聽到, 好得開心, 諗住去馬料水仲方便.

叔叔又話我地唔落船就得.

兩個傻婆無諗要坐幾耐, 媽咪上網查, 先知有排坐.
但在黃石, 都未必咁快有的士啦.
上來乘客, 都上晒樓上, 我地全家霸晒個下層.

好舒服, 有海風吹, 沿途欣賞風景.

今日仲好好彩, 一到馬料水, 出到馬路邊, 即時截到的士, 直返屋企附近菇亭食午餐, 同去黃石, 返西貢食飯, 再坐小巴後, 行返屋企都差唔多, 最重要係, 我唔駛屈在袋坐小巴呀.