160618雨前晨操

今日又 5 點起身, 準備梳洗去晨連, 氣溫都成 29 度.

我地未到 6 點半就起步, 太陽已出, 遠遠有厚雲, 頭頂見藍天.

咁高溫, 晏少少, 可能超過 30 度.

都係行兩個鐘都夠.

到城河, 見大圍一帶天空都有厚雲.

唔通又天有不測之風雲 ?

唔理了, 我同婆婆, 上星期都行少左兩日.

兩婆孫都要補返.

如果唔係, 細媽又話我越來越重.

蟬聲, 我聽慣了.



艷陽天, 影張相無妨.

唔好在陽光底下, 雖然有 Cooling Coat擋一下, 唔等於要在陽光底直曬.

新朋友仔, 又俾細媽話我大隻仔.

今日太好天, 所以我地唔過對岸.

惟有只在大涌橋呢邊行.

跟住行埋咭回程.

回程最開心.

行快步, 去霸位.

今日又有風機位. 吹住風開餐, 零舍正.

今日行左兩小時廿分鐘, 夠了.

坐車返屋企途中, 開始落大雨, 仲有雷暴.

我在家想行下, 突然一聲巨雷響, 嚇死我, 好彩媽咪剛在我身旁, 立刻抱住我咋.