天文台昨錄36.3℃ 130年來最熱
天文台總部錄得36.3℃高溫，既創今年氣溫新高及最熱立秋日，又是130年來最火熱一日天文台尖沙嘴總部量度氣溫儀器130年來都放在草棚下測氣溫。
天文台33個自動氣象站，半數比天文台總部錄得的溫度更高，跑馬地衝上37.9℃，為全港之冠，比2012年舊紀錄高出0.7℃；上水37.8℃，黃大仙及將軍澳齊齊升至37.6℃，也刷新該區紀錄。共13個站刷新紀錄。
昨日晨運返到屋企, 都真係熱傻, 好彩今早出發等車時, 已明顯降了少少溫度, 又有些微風, 但都有成 30度.
摘自生果日報 :
立秋不代表暑氣已過
【話你知】 立秋是二十四節氣中的第十三個，即是每年8月7日或8日太陽到達黃經135度時。立秋預示秋季正來臨，但並不代表暑氣已過，因立秋之後即8月23日才是處暑，即是暑氣到此已終止。立秋和處暑之間，俗語稱爭秋奪暑，即是秋季雖意義上已來臨，但夏天暑氣仍然未減。 不過，二十四節氣都是依據中國古代的中原地區氣候而定，香港因位處中國大陸南方邊陲，加上與海為鄰，故節氣所代表的天氣未必一定適用於香港。 二十四節氣包括十二個中氣和十二個節氣，多是以天氣現象或農業活動命名。中氣分別是春分、穀雨、小滿、夏至、大暑、處暑、秋分、霜降、小雪、冬至、大寒和雨水。節氣依次包括清明、立夏、芒種、小暑、立秋、白露、寒露、立冬、大雪、小寒、立春和驚蟄。
即係要等到23/8後先開始有秋風, 咁幾時可以行山郊遊 ?
我知成個 8 月都係早起晨運, 無問題喎.
我聽到大細媽又開始研究買部私家車俾我, 我仲好有精力, 會唔會買早左呢 ?
研究下都好, 部車都係媽咪抬出抬入, 我只負責坐.
又係正常時間, 行到城河畔.
細媽話短短里多路程, 都行咁長時間.
細媽, 唔係要慢活咩? 你好趕時間咩 ? 去邊呀 ?
輕鬆行, 唔駛過熱而中暑呀.
今日又再遇到個婆婆, 佢鬧媽咪, 話咁熱仲要我著衫, 想熱屎我喎.
媽咪解釋左係散熱衣, 佢都係咁鬧住走, 無符.
其實咁耐, 一直都有人問點解要我著衫, 媽咪同婆婆都會解釋, 仲叫人摸下我背部, 個個都話真係涼喎, 好彩都有人願聽.
如果真係超級熱, 我條伸脷仔點會得咁短.
呢張係 30/5晨運照, 脷仔長幾多.
仲要回程唔想行, 要上私家車呀.
算啦, 有些老人家係頑固, 講極都唔明.
雖然有 cooling coat, 都唔代表可姒在烈日下暴曬, 而且都肚餓了.
又要急步霸位.
Bingo, 又有風機位, 可以吹住陣陣涼風, 食雞肉乾喇.
沒有留言:
張貼留言