130505荃錦坳落大欖

雖然我痾軟便, 都唔影響我地今日遠足
天陰陰, 又話可能有幾陣雨, 昨晚睇完醫生都有陣雨, 當然唔行泥路啦, 上星期行完香港島, 今日又行大欖郊遊公園一帶啦
點指兵兵, 點左由荃錦坳第九段起步



8 :45 am 起步, 預左會高位濕潤, 點知好乾爽, 但望上大帽山就見濃霧罩住喇

昨日行去旺角, 又要拖繩, 都放唔夠電, 今日要玩盡佢

唔好以為我唔開心呀

我專登影相唔笑

一面正經

鏡頭外, 我成日鑽草叢, 成身露水, 玩到勁開心

可能我地起步早, 以為今日少單車少行山人, 其實係我地步伐慢, 沿途好多人同單車趕過晒我地咋

我地慢速四口組, 按我地步速定行程, 今日仲未定目的地

每次遠足, 都有好多叔叔姨姨讚我跟實媽咪, 今日又唔例外
當然啦, 我有 7 年行山經驗, 從來無令大細媽擔心, 只有我擔心佢地行錯路咋

又另一種樹上小花朵

小蜥蝪又出來曬太陽, 定係掘地呀

我已經定左, 每次見呢D大水蓋位, 就係小休飲雞湯時間, 終於次次一見即飛奔霸定好位 

細媽 : 我無佢符, 洛B肯飲水, 我就心足

又係分岔位, 我地會行晒全條第九徑, 去埋大欖水塘先定方向

到田夫仔露營場完成第九段, 行左 6.5公里, 用左 2.5小時, 接住繼續往第大十段

可能會覺得全段路都差不多景色

但我地每樹每草都望, 好多樂趣o架

好似婆婆咁, 行左咁多次, 今日仍覺每事新鮮

我地又係呢個位大休, 食用20分鐘食左午餐, 因為肚仔唔掂, 今日我只有白麵包食咋 

已經行左 8.5 公里, 如果我地去青山公路就仲有 7.7 公里, 若果經大欖自然教育徑去深井, 都要行約近 7 公里, 到分岔位先定啦

影低單車徑, 就知每段路長度

如果接上元荃古道去清快塘好近咋, 但泥路喎, 唔得

圓墩郊遊徑又係行泥路, 又係唔得

雖然呢刻見有太陽出來, 穩陣行車路就最安全 

分界位, 本來由定行去邊, 我楂唔定主意, 於是由婆婆拋樹枝決定目的地

樹枝決定我地去大欖呀

三月己尾來時, 水塘仍未滿, 塘邊仲見黃泥, 四月中來就見一線黃泥, 今日滿塘啦

我本來想在越野單車場玩轉, 但細媽怕我玩到忘形, 唔停留呀

見大欖大霸啦.....

到最後一個廁所位, 我已經好攰, 主動叫細媽抱我休息一陣, 細媽, 我錫錫你
婆婆 : 我又想抱呀

我都係休息左一小段就繼續自己行返....

今日都係過大霸

快到懲教所, 我真係好攰, 又要上私家車喇

好彩我架私家車仲未變老爺款, 仲好襟行咋

仲有半公里去到青山公路, 我攰到撐唔大眼, 辛苦細媽
到公路口, 剛好 15:45pm, 我地用左 7 小時連大休行左約 16.2 公里, 婆婆都話好夠皮
週末又有兩日假, 又係望天打卦, 究竟我地唔會唔在家種菇呢