130519玩水禮變下水禮

一早計劃今日又落大浪西灣來個今年下水禮, 但昨日睇完醫生, 細媽話今日唔游水, 玩下踏下水就無妨



我當然 no problom, 反正就鍾意行水坑, 浸腳都好滿足

每次上落西灣路, 沿途都有好多蚯蚓誤墮水渠位, 爬唔返出來, 蚯蚓拯救隊救得就救, 已死成為螞蟻美食, 亦是大自然生態

好耐無見過藍天及藍水

朝早已經 29 度, 而且近來係雨季, 一路有幾個水位可以浸身降溫

唔知係痾軼便關係, 定係呢輪細媽幫我減餐量, 腰圍又收身了不少, 係咪好 FIT 呢

早到沙灘, 無乜人, 只有一隻黑村狗, 懶洋洋走落水浸, 佢都唔理我, 好似成個沙灘我地玩晒

退潮, 水位唔高, 跑沙灘踏浪最好

好彩又唔算過份曬

今日浪比較細, 我地行埋去西灣右邊, 近河果邊玩

點飛點撲都得

我知今日只可玩水, 我唔會落水游o架


撲下水花都無問題o既 

玩得忘形之際, 突然聽到好多狗吠聲, 原來有三隻洛威拿, 由河入邊跑出來, 狂追一隻我地上星期見過的黃啡流浪唐狗, 唐狗好驚, 飛奔喪跑, 佢地兩個男主人叫返佢地先回頭, 但三個大狗見到我, 又想狂追我, 果兩個男人叫媽咪盡快抱我走
就係咁, 果三隻大狗同兩個人佔了我地玩緊的位置, 果三隻狗咁惡, 我地非走不可 

惟有走返去近士多外的沙灘玩啦

呢邊多水草什雜物, 但無大狗, 相對安全好多

跑下跑下水, 忘記剛才事, 又開心返

呢邊岩石位, 又多海洋生物, 目不暇給, 三個女子又睇到不亦樂乎

我就自得其樂

順便又鑽下沙

之後又落水沖下身上D沙

玩到差不多時候, 又要去副灣搵下今日目標

周圍望, 除了剛才好驚的唐狗失去蹤影, 只見到上星期無見的狗媽媽, 今日剛好夠期食避震丸, 媽咪慢慢包好丸仔, 一餵就得

大細媽買左兩包排包, 仲以為每隻狗都可以食多片, 又食下雞片, 但上星期出現的七隻流浪KING, 一隻都無見, 都唔知走左邊度同我地玩捉迷藏
大細妹媽咪成三星期無食丸仔, 又見佢唔到, 究竟有無出事, 真擔心

我同細媽走到一旁等, 婆婆自己落沙灘行, 而媽咪就行入D, 睇下見唔見到其他狗地蹤跡, 但就俾佢見到好多超級大菇群

好多成隻湯碗大o架

廁所位入邊都唔見佢地

真好無耐, 惟有回頭, 將餘下的排包餵埋俾狗媽媽, 留下幾片, 希望一陣巧遇兩母子啦

狗媽媽可能見慣世面, 佢都無理我, 但媽咪怕我吠狗媽媽, 都叫佢行遠點, 佢又好似識聽, 唔阻我玩水

近四疊潭河口的水位比較高, 我終於要游水先得

我唔係專登游水o架

水位高, 我唔游唔得咋, 終於玩 水禮變了今年下水禮

今日在西灣留左超過兩個鐘, 都係搵目標失敗...........
而且就享受撲水樂, 好滿足

媽咪, 唔好氣餒, 下星期天氣好的話又來玩o羅 

陰晴無常, 真係唔知下星期天氣, 媽咪, 你要勤D睇天氣呀
媽咪 : o下, 我有留意天氣, 但無法改變天氣, 惟有望天公造美啦