130512母親節之下水禮滑鐵盧

昨日白天咁好天氣, 大細媽都估唔到, 見天文台預報今日只有一兩陣雨, 來我地今年下水禮 

點知今早天暗暗, 仲有雷暴警告
既然起左身, 又有事要辦, 不懼風雨雷, 一於豁出去

想唔到入到西貢市中心, 雨漸漸大, 到西灣亭仲好密, 咁點算呀

反正都要返家洗白白, 媽咪佢地又著晒涼鞋, 著雨衣照行

雨細了就開始行, 今日可能少人來, 媽咪話怕無乜的士, 要趕返 12 點班村巴回程, 唔準 hea

坐的士入來時, 有段西灣路係濃霧o架, 都有點點驚有迎頭車來, 你地睇下能見度幾低

到吹筒坳都唔食早餐, 快步落沙灘

來到西灣, 細媽話先去副灣望一望.....

得一隻黑狗跟實清潔工人開工....

咁我行下八卦下, 細媽見仲係好多水草, 叫我唔好跑住....

我避開D垃圾咪得o羅

細媽突然見有一團黑色物體埋在沙埋內, 以為有狗死了, 原來係上次我地險些誤認係大哥的狗仔, 佢 size比大哥大, 媽咪今次先用少少雞乾引佢, 等佢少左介心, 埋身再餵塊大雞, 同佢易影相, 等下次唔屎又認錯

今日諗住搵兩母子, 或者時間仲早, 等我地行上山再折返先

以為今日行下水禮, 終於滑鐵盧, 惟有又另擇吉日啦

上高D, 一覽副灣全景, 仲未見目標, 唔游水, 行下山補返

本來想上最高位先回頭, 但媽咪怕唔夠時間, 早點回頭, 睇下目標出現未.....

我地在山上, 見多左狗, 仲有一隻黑狗同一隻奶色狗一齊, 唔通就係

有無目標在此呢


媽咪預早拎包排包出來, 有狗已經好醒目行埋來, 望真, 係大哥呀

我地肯定無認錯, 因為佢右眼近鼻樑有疤痕


另外仲有一隻體型大好多, 樣貌身型好似大哥, 媽咪話疑似係爸爸, 因為其他狗唔係咁樣o架

而且大哥同佢相處都OK....

疑似爸爸 D 毛鬆一點點, 毛色都幾黑....

佢地好乖巧, 媽咪叫佢地 SIT, 係用英文講 "SIT", 隻隻都退後一步坐下等

大浪西流浪 7 條 King, 媽咪記得部份係早一兩年在此見過, 但今日無晒 Queen, 連上次見的狗媽媽都唔見, 究竟 D Queen 走晒去邊, 又餵唔到避震丸

好擔心佢地出事, 又擔心佢地唔小心有左BB, 走埋隱蔽地方, 唉, 無辦法, 惟有等遲些再來 

到正灘, 媽咪話怕無的士, 要回程喇, 下次先再跑沙灘

反正來緊炎夏, 我都會常常來, 而且昨日都行左 6 個鐘, 今日都攰了....

婆婆, 唔好 Hea, 快快步呀

趕返出市中心, 同婆婆食飯慶祝母親節, 老闆娘見到我地好驚訝, 佢都未開好舖, 因為佢無諗我地咁早到

我心急想青瓜沙律, 兩星期無食過喇

而婆婆就食佢至愛的魚生飯, 食左長壽又生猛, 咪可以陪我地再衝高峰o羅
婆婆, 我代大細媽祝你母親節快樂, 個個星期都係母親節