120901有、無、終於有

因為近期天氣反覆, 細媽上星期一直諗, 星期六好唔好請假呢...
跟住我又痾軟便, 諗住星期六唔去游水, 下午去獅子會, 請唔請假都無所謂...
後來佢見我身體又OK, 最多落沙灘跑, 於是就遞假紙...
點知星期四, myTV又壞左, 起初得下午一點至四點, 媽咪求代理商早D來, 最早11 點到 1 點咋, 希望師傅早來, 早整好, 搏下下午去玩...
等呀等, 終於師傅來, 1 點 3 就搞好, 大細媽立即換衫, 同我去例C 玩  



婆婆話攰, 知星期日都會出街, 唔跟我地來...

我一到, 又係好興奮周圍掘...


當然要留低戰績...

紅蓮霧終於成熟掉下來....

仲見好多楊桃花, 中秋快到, 現在先開花, 咁幾時先結成果...

大細媽怕我又入水道, 一路監控我...

今日唔多遊人同龍友...


可能佢地怕驟雨...

來到荷花池, 我好熟路....

當媽咪見惟一一朵荷花時....


我襯佢地無為意, 自己靜雞雞走入小河...

浸完四隻腳仔, 舒服晒.....鬼叫你地咁失策

最多返屋企沖下腳仔o羅, 反正聽日仲去街...

突然我發現最愛的poodle 同莎莎, 我連媽咪叫都唔埋, 走埋去一齊玩....


三個團團轉, 好開心ga....

今日西貢四周都有厚雲飄浮, 希望聽日又係咁就好....


又兩個鐘, 獅子會快關門, 我地都要趕回家, 襯人潮少時, 快快食米線套餐就回家....
今晚有myTV睇, 全家唔怕悶了