蚯蚓拯救隊

我地洛家4口組, 有一個特殊身份ka, 登登登登….就係蚯蚓拯救隊喇!!

我地每逢假日就會化身成為蚯蚓拯救隊, 四出到各山頭拯救呢D無助嘅小生命ka.

依家介紹下我地嘅職務先

婆婆 - 事務官( "視" 察業務官 )
洛洛 - 巡查官

對上嗰D都係高官, 即係齋睇唔做, 出口唔出手, 監督媽咪做野.

行動組成員A – 細媽, 專責找尋有危險嘅小生命.
行動組成員B – 大媽, 專責實際拯救行動.

每當細媽發現有蚯蚓遇到危難, 就會發出警示. 大媽就會即刻飛奔到現場, 即時用拯救工具1 號 - 噴水樽, 噴灑事主, 務求令都佢地立即恢復體力.

跟住就用拯救工具2 號 – 佢自己隻手, 帶事主到安全嘅地方.




其實點解要救佢地?? 因為佢地可以挖鬆D泥, 等D植物根部可以有空氣同埋佢地D便便可以做肥料. 咁D植物生長得好D,環境自然都好D啦. 其他生物都會有良好嘅生活空間. 所以大家就算唔出手救佢地, 都唔好專登踩死佢呀!!

為左維持生態平衡, 我地會繼續努力去拯救佢地KA.