120923洛樂在大浪西灣

呵呵, 係咪又好熟個背景呢
因為又係去我今夏至愛的大浪西灣o羅



經潮汐大師同天氣大師算過, 今日係初八, 早上9 點多後會潮退較少, 加埋昨日偏東氣流已減弱, 風勢也會弱, 所以今早比較熱. 

今早退潮, 連小河出口位都改道了....


因地理原因, 沙灘潮退, 就會比初一及十五時的面積太幾倍...

今日就好輕易過河....

今日微東風, 湧浪唔高, 我好快就游出去...

無風下, 浪細了, 我地走出離岸邊超過百多呎.....

見唔見我呀.....

游左好耐, 沙灘咁大, 唔好浪費, 要跑下.....




媽咪成日用部潛水機同私影跑相, 都會走焦, 今日改用連拍就成功, 原來呢部機影快相要咁影ga

開始起了少少東風, 有浪湧來, 但唔算大....

嘩, 少少怯添....


仲來......

跑了一輪, 魔鬼細媽又要我練定位游水....

覺唔覺D黑偏黑, 因為無太陽, 部機向海對焦就會暗, 媽咪已經調加曝光補償都係咁


潛水機主要防水, 仲要求咁多做乜...

差不多時間, 又要上岸沖身回程了....

婆婆, 行快兩步, 要趕早上尾班村巴呀....


經過上星期季候風同天文大潮, 加埋昨日偏東風, 將早排膠粒災禍的延續帶來了大浪西, 據一位叔叔講, 昨日又吹東風, 又有大浪, 將好多垃圾同膠樽吹上了岸, 慘不忍睹, 今早見部份垃圾已經清理, 但膠粒就遺留在沙灘, 明天又有另一偏東氣流來港, 加埋水漲, 膠粒又可能被帶往另一處了....