120415獅子會及蕉坑回西貢市

早上一場無情大驟雨, 險些摧毀我今日的活動, 好彩雨快來快走, 大細媽原來見地咁濕, 想改行城門河畔就算,
好彩媽咪諗, 反正我要洗白白, 一於照舊來獅子會, 估唔到西貢無雨, 仲好好天添



點知唔行山, 因為怕熱, 仲有....

咪係要趕回家, 有特別任務 lor......

一落地, 我好興奮, 又挖地........
細媽 : 喂......唔好以為沖涼, 就搞到仍身泥先得安樂
洛B : 我磨手指甲咋

到步時, 兩大旅遊巴載了大班公公婆婆來, 我地要同佢地反方面行, 否則, 我有排避人腳....

雖然唔係行山, 我都好滿足....


因為真係好好陽光....

媽咪幾鍾意部新相機, 因為可能影返以前單反機時的細緻景美......

仲有, 可以影細媽好鍾意的波波景深喎

今日又改了少少色階......

細微的花花, 用 10-30mm 支鏡都掌握了點影....


又要我假背景來襯托喎......, 我都好肯配合, 但好似構圖仲欠藝術天份 

因為支鏡唔夠長......影遠物....

惟有在相機裁剪主題出來......

到荷花池, 蓮荷都枯萎了, 正待新葉長出, 塘面生滿浮萍如平地般....

影水珠, 媽咪至 like.....


又見另一人潮, 我地走去蕉林果邊的小蓮池...

又發現兩隻豆娘在葉間飛舞....


又係要裁處出來.....

細媽問, 點解朵花咁紅.....

媽咪答話, 因為係大紅花lor


都成 11點幾, 我地打算由輋蕉徑蕉坑口後的小山徑行去市中心....

在海邊, 有點風吹, 仲幾爽....


但太陽好猛烈呀....

遊艇會後呢條子徑,  可以行去麻藍芴同三星灣,.白馬咀, 我地在090131都去過, 但今日太熱了, 遲些至去過....


呢段路, 要快走, 事關多樹蔭, 又可能近民居, 每次都覺多蚊...

到路牌要轉上山....

以前呢段斜路好跣腳,  原來已經加左圍木板...


以為一路行, 可以一路望兩邊海景, 但今日兩旁小樹已經長高過人, 唔同晒...

熱到唔想行了....

好彩段山路唔算太長, 間中有樹蔭咋.....

中途仲有涼亭....


仲有個小草地....

見呢個指示牌, 即係快離開蕉坑自然護理區, 有路可回獅子會....

我地揀去對面海, 去姐姐度, 快快食埋午飯, 要趕回家有事辦呢