120404兒童節與Elmo 行城門水塘至大埔大運

咦, 成 8:45am 仲唔起步ge

原來今早約左 Elmo一齊行山, 我地兩伯姪成兩年未一齊行過山了.....

因為上星期六勇衝鳳凰山後, 婆婆同媽咪雙腳仲有點酸軟, 諗住簡單行城門水塘一圈,


但細媽在的士上, 突然問話不如去埋大埔喎, 我地全家一人一支水咋, 但諗下都唔會餓屎ge....

見到小花姨姨, 佢都有興趣同Elmo行遠點試新路....

一於齊齊行大運^^

起步, Elmo 已經快步跑, 細路, 今日成 14公里ga....


Elmo : 洛伯, 你又跑ge ?

我地好乖, 基本都跟腳行ga....

為左唔想婆婆辛苦, 我地都就下慢行....


Elmo, 成隻甩繩馬騮咁.....

Elmo : 我行可愛路線ga....

fing 水髮表演 ing.....

到小草地, Elmo 僅係玩下拋波, 唔好浪費光陰...

小休完, 繼續行程....


城門水塘邊, 特別多香港帶唇蘭...

 

婆婆開心笑, 對腳應該無事卦...

行完緩跑徑, 行完 5.5公里左右....

今日天氣好, 沿途見好多狗地行山....

又到半閒亭草地, 又來玩波時間....

唔玩咁耐, 仲有成好遠路程....

到轉接位, 向大埔方向前進....

Elmo : 洛伯, 你企咁高, 係咪望遠D ga ?

Elmo : 我都想更上一層樓 ^^

行行下, 到木棉樹下, 全條路佈滿木棉花....

我唔明點解兩個男仔會在心心中.....

見呢個牌, 酊鉛礦坳不遠已...

本來想在鉛礦坳石坊影相, 黠解有隻大馬騮盤踞, 跟住迫近我地, 唔久留....

去大埔公路係 6公里, 但如果轉去大埔火車站就係 7 公里....

唔好以為條路長就難行, 全路只有好少石級同上斜咋....

Elmo : 仲有係又風又唔曬, 我都行得掂....

Elmo : 我今日專刷婆婆鞋, 等婆婆行得更開心, 忘記對腳的倦意....

踏入大埔滘自然護理區....

慢慢落山....

呢度可以落大埔公路, 短一公里, 但去火車站方向又好行好多.....

所以, 我地揀向火車站方向, 方便坐車回家....

油柑子花.....

快離開郊野公園範圍, 細媽同花姨怕我同 Elmo 都攰, 又怕有車, 抱我地行埋餘下一小段....

4 點, 已到林村河旁, 7 個鐘, 輕鬆行大運....

紅棉盛放, 天氣暖洋洋......

適合行山日子快完....

又要等秋來了.....

開始要諗下入夏好去處....

我都想入夏前, 行多幾次山, 但都要睇天定我去向了