2011年3月27日

110327馬鞍坳下尋杜鵑



昨日開工, 今日僅係補返行山啦
媽咪見 Uncle 個 blog, 知道野生杜鵑花盛開, 於是我地又來馬鞍山尋花

我地又係直接由屋企坐的士上馬鞍山郊外公園燒烤場, 前面有部大旅遊車龜速上, 以為咁早有團體上來燒烤, 原來係一大班行山人士, 佢地落車, 去洗手間, 好快就浩浩蕩蕩起步, 媽咪拎起相機, 佢地大部分人已經上山, 佢地應該上吊山岩同牛押山, 果帶會有更多不同品種野生杜鵑花, 但唔o岩我同婆婆行, 惟有在其他路段尋花啦......    



起步又係要抱一陣, 事關有村狗lor.....



按以下回顧上年1001019馬鞍山行
http://faphylok.blogspot.hk/2010/01/100109.html



過晒村屋位, 我就自己行


今日天陰陰, 又話會有 19 度, 一D唔覺....








沿石級上昂平高原....





到十字路, 我地接會麥理浩徑上大金鐘...






天陰, 雖然樹林又紅又黃又有青, 但好難影得靚 lor......








捱到大金鐘山腳, 氣溫越來越低.....













一上高一點, 華麗杜鵑花在眼前......


但開始有雨點, 媽咪要婆婆著返雨衣, 以免大雨時就來不及了......


九曲山開始....


沿路都見杜鵑花.....


婆婆睇到好開心.....


但雨點似乎密了, 而且仲好大風.....







絕大多數杜鵑花都生長在山坡...







我同細媽, 因為好大風, 好凍, 一路無停, 來到呢度先敢停下等媽咪同婆婆咋....


行多陣, 路邊都有呀.....


但雨越來越密, 媽咪幫細媽著上雨衣後, 細媽怕我淋雨濕身凍, 我焗住要上私家車 

好彩著返雨衣咋, 真係好大雨點, 風又勁大, 吹來好凍, 細媽抱我一直走, 唔敢停留, 而媽咪就吹到流鼻水, 大家都手指凍到失了知覺, 而我地在馬鞍山坳, 再遇上上吊手岩同牛押山的行山隊, 佢地一支箭在我地身邊經過, 其中不乏大年紀者, 真係猛人


到呢度, 我地要落山啦......

但仲係落緊雨, 細媽繼續抱身, 無雙手平衡下, 慢慢徒步行落滑石級.....


好彩細媽馬步穩, 無跌親.....


婆婆都小心翼翼咁行....


落了一段路, 媽咪見無雨, 叫細媽俾我自己行返....


某些路段都濕o架, 又無太陽, 惟有唔張口, 以免漏暖氣


途中, 見好多梭果花, 好靚.....


落山路唔易行, 加上地濕, 婆婆佢地點都要扶下樹枝借力.....


噢, My God, 又落雨, 我聽到好多雨聲, 我怕濕身, 今次主動要細媽抱


到竹洋路, 仲係有雨, 你地睇我幾無奈


好彩又停雨, 我堅持下, 細媽俾返我自己行....


到呢個亭, 轉左繼續麥徑, 我地今日揀繼續竹洋路, 就可以行去市中心....


自己行, 就四手腳加埋肚仔都濕晒....








媽咪叫細媽同婆婆唔好除雨衣, 怕又突然落雨.....


今日咁天氣, 媽咪都無同我合照過.....


行行下, 快到山寮村口, 見入部的士入村, 媽咪問細媽, 如果架車無人上, 我地上唔上車, 但都未定神, 的士已經回頭, 我地一支箭跳上車, 一陣又返到市中心, 落車都係兩點半咋

但碼頭吹來凍風, 令濕了身的我, 勁打冷震, 好彩細媽即刻俾我入返私家車, 緊抱我令我暖, 我地都唔敢留太耐, 盡快坐車回家呀



事後, 媽咪上天文台網頁, 原來全日徘徊 13-15 度, 我地仲係山上淋雨, 怪不得凍屎人狗啦,又俾天文台呃左








































7 則留言:

  1. ★珍妮 & 毛毛★2011年3月27日 晚上8:41:00

    今日真係涷了好多呀, 好在你有地雨衣咋, 唔係就會好易病ka 啦
    一個字 " 型"
    [版主回覆03/30/2011 13:02:00]都知佢地懶, 我準備左兩件雨衣, 以備不時之需, 否則佢地濕身病倒, 我就慘
    型........你講婆婆嗎

    回覆刪除
  2. 好彩你地帶咗雨衣,我依家今日會熱,都著少咗衫出街,出到去又落雨,搞到無玩就回程喇﹗
    [版主回覆03/30/2011 13:03:00]又係咁, 俾天文台呃

    回覆刪除
  3. 呢張相好有型,係洛洛凍到落哂形~~
    [版主回覆03/30/2011 13:06:00]剛好落到呢度, 溫度高返少少, 又好彩佢無濕身, 否則餘下路程, 佢真係會凍僵o架
    在碼頭時, 佢已經凍到震得好勁, 細媽要抱緊佢, 佢先無咁震咋.

    回覆刪除
  4. 我哋真係好好彩架! 上針山一啲雨都無呀, 雖然影相唔靚呀, 但媽媽唔緊要啦! 最緊要係行山唔辛苦啫~
    [版主回覆03/30/2011 13:09:00]應該係每個地區都有唔同, 我地返出市區, 唔覺有落大雨, 但都毛毛下.
    當日路程在天陰下, 一D唔辛苦, 唔煩在有雨同大風  

    回覆刪除
  5. 等好天 .. 洛洛行返夠本
    [版主回覆03/30/2011 13:10:00]放假無雨, 一定去行夠

    回覆刪除
  6. 天文台成日呃人既, 激死!!!
    哈...我呢日都有著雨衣, 同你地件一樣架^^
    [版主回覆03/30/2011 13:11:00]我在兩年前在 7仔買雨衣的, 一件今次報銷, 一件可以 re-use  

    回覆刪除

  7. 洛洛真幸福,次次行山都有媽媽錫,落雨仲有大人抱抱
    我地就屎囉!真係搭屎狗呀
     
     
    [版主回覆03/31/2011 17:34:00]其實佢次次都行足全程, 只係當日落雨, 我地先抱佢, 怕佢濕身打凍震, 佢知停雨, 又堅持落地行
    佢病左, 睇醫生仲貴, 惟有鍚佢=錫自己荷包  

    回覆刪除