咪係黃家三女子今日早餐o羅
今日改來川龍端記茶樓, 都好多人o架, 因為媽咪落車即急跑來, 出邊位滿晒, 剛好室內有張檯剛走人, 我地唔駛等, 好快有得食
仲有係今日媽咪無帶漏相機呀
茶樓外擺滿新鮮蔬菜, 只可惜我地要行山, 幫襯唔到
今日點行好呢, 想左陣, 細媽唔想抱我行一大段路去龍門郊遊徑入口, 今日又預 Hea, 就行落城門引水道啦.....
今日媽咪佢地食o既西洋菜好正又無渣, 就係呢帶菜園種出來.
幾大片菜田, 其中一塊, 有農夫收割緊, 好多人專誠入來買菜o架....
我地沿小徑落山.....
途中又見 K.O.T.H. 山野之王留低的路標, 又係上年留低的, 即是除清快塘外, 相信當日好多賽道都留低路標, 駛唔駛搵次, 我地幫佢行晒全賽道, 一個一個記低, 叫佢地來清理呀.......
細媽 : 洛洛, 唔駛又帶草返屋企呀
途中見一間木屋, 外種好多生果樹, 其中一棵還未開完花, 似係梅花 wor.
鐵樹花, 媽咪未見過....
落預 45 分鐘, 上要一小時....
好快到引水道....
因為昨日行山路, 所以今日先選擇輕鬆行引水道...
好大煙霧, 都望唔清荃灣....
今日間中晴, 間中陰, 好適合行山遠足...
春季來, 又係花朵盛開時, 大家認清花名, 唔好搞錯
仲有款叫紅花羊蹄甲, 同宮粉羊蹄甲好似, 雖然都係蹄甲科, 但花瓣係五片都係淡紅色, 而宮粉羊蹄甲其中一花瓣有紅色花脈, 好易分....., 只係今日見到, 但花朵好高, 影唔到咋....
白花羊蹄甲都一樣好靚.....
紅花酢漿草
鬼針草花, 大細媽又愛又恨, 因為種子會痴滿我全身
蟻多摟死象, 其實細蟻多摟死大蟻都會, 隻大蟻仲係掙扎中....
全段緩步徑行完, 時間仲早, 婆婆唔夠喉
於是我地又去埋城門水塘行一小段
去賞蝶園跑下先.....
草地好多朋友仔, 我一行落來, 佢地成支軍隊殺來, 細媽都嚇親.....
好彩佢地都友善o既.....
呢位係大家姐, 好有風範.......
呢位臘腸朋友好叻o架.....
因為雙後腿癱了, 佢媽咪用購物車改裝了改車架, 佢生命力好強, 之後佢狗車合一, 仲行得好快添
今日好彩無行龍門郊遊徑, 因為我地在引水道行, 見上半山都被火燒焦, 如果我地行, 怕全身焦黑都似, 等樹木生長返, 我地先再行
行到自然教育徑, 我地要轉落去, 否則要繞晒成個水塘, 我好攰喇....
好彩呢段唔難行.....
到菠蘿壩, 我地當然排隊等小巴, 但媽咪見有部的士準備落客, 佢即時飛奔, 於是我地又舒舒服服, 好快返屋企
腸腸好叻叻, 好堅強呀
回覆刪除[版主回覆03/09/2011 15:31:00]係呀, 如果你在現場, 見佢跑時, 你會更感動
我地星期六去咗川龍另一間茶樓,不過佢D西洋菜就麻麻地
回覆刪除[版主回覆03/09/2011 15:33:00]彩龍 d 野食係比較差一點, 但易搵位, 又可以上樓上雅座, 又唔同感覺
真係好喇！睇BLOG學自然！睇左你個BLOG先知道，我認錯左洋紫荊 VS 宮粉羊蹄甲！
回覆刪除[版主回覆03/09/2011 15:37:00]其實好多人認錯, 而且花期又同時開, 羊蹄甲一開, 全樹都係花, 變了花的顏色咁添.
腸腸個mami 好勁呀整得改裝
回覆刪除[版主回覆03/09/2011 15:38:00]佢媽咪諗到, 係好勁
想問問川龍同城門水塘近嗎?因Bonnie佢哋問過我好唔好行呀~因有茶飲喎.
回覆刪除叻媽宇
另外睇洛洛個blog學識好多花花名呀, 因表姐成日行山果陣都會問媽媽架~媽媽如果唔識就會話好似乜花喎! 真係畀媽媽激屎啦~
[版主回覆03/09/2011 10:27:00]川龍有兩間茶樓, 一間叫彩龍, 在小巴總站, 落車即見, 有樓上雅座, 狗仔唔多都可以上去, 比較易搵位. 另一間係端記, 由彩龍旁有小路直落, 比較多人同難搵位, 但食物美味 D.
由端記向下, 就見西洋菜田, 有石屎小徑直落城門引水道, 約 45 min, 超易行. 到引水道向左行係去城門水塘, 約 5.5 公里, 全是平坦車路, 間中有一兩架車經過, 因為正修葺俾坡. 途中靠左會有路落回荃錦公路, 荃灣及落象山村, 但會經一些木屋村, 可能有村狗.
(以下是某次行程)
http://hk.myblog.yahoo.com/phyllis2210/article?new=1&mid=10930
以下是地圖 http://a367.yahoofs.com/hkblog/8v62UrKRCRTMkQ93BEQ-_73/blog/20100904041752229.jpg?ib_____DLoFGzAXJ
婆婆好勁呀！行完川龍唔夠喉再行城門，真係老當益壯 勁過我Le D壞鬼後生！
回覆刪除[版主回覆03/15/2011 09:36:00]一來條路短, 二來婆婆返屋企, 沖完涼後就乜都唔屎做, 坐o係度休息同等食, 佢僅係大把精力啦