咁早搭船何解呢
唔會來玩風帆卦
次次都係由學校路上山, 今次媽咪突然搵返山頂道
原來兩星期前預定了呢兩日期假活動, 搭早船來, 就係為來關公忠義亭賞櫻, 早來就少人唔怕迫.........
好靚呀....
細媽話今日要戴花帽襯返櫻花wor
但複瓣的一棵櫻花, 好多花已掉了, 上星期應該係開得最燦爛, 幸好仲有單瓣的仍艷麗
我地今日唔去張保仔洞喇, 事關清明節將近, 細媽怕多人去拜祭, 多煙火, 而且08年中秋節去過小長城同北角咀後, 都無再去, 今日一於行下...
到南氹灣道轉落天后廟.....
南氹灣...
沿思高路行, 靠右海邊逆時針方向行, 就可以去到小長城.....
中途見有兩塊石, 被起名鴛鴦石....
突然見好多野外定向控制點標誌 (Marker), 星期日應該有比賽, 仲要每個 Marker 都有一條關於岩石問題, 今次應該係以答對得分形式比賽
到分叉位, 有指示.....
到喇....
無來絃年, 每塊石位置附近, 加晒標記, 唔怕唔知塊石叫何名
我地去玉璽石先....
今次超級好天, 都未試過頭頂有一片雲.....
身後係東灣同北角咀, 一陣再去....
我地落埋去睇饅頭石, 好似有D搵笨, 都唔似ge
婆婆上返搵笨之梯, 大叫救命
觀音灣.....
剛才見海上的風帆, 已經全拖回沙灘上.....
佢地應該係返來大休周食飯....
咁我地都一樣要補充體力, 一陣先有氣力去北角咀o架
回覆刪除呢張影到洛洛好打從心底笑出來呀~
啲櫻花真係差好遠喎~ 應該呢幾日都好好天呀, 所以先會落咗咁多喳~ 不過都唔錯啦! 無錯過呀~係咪?
[版主回覆03/15/2011 16:55:00]其實佢行山, 就成日對我地傻笑, 只係好難捕捉咋
賞花季節年年有, 今年遲了, 咪又下年再睇 lor
我兩次長洲行都未去過北角咀，下次一定要去先！
回覆刪除[版主回覆03/15/2011 16:56:00]記住落埋東灣仔, 唔好蝕
洛洛好似好想玩風帆咁喎！哈哈！
回覆刪除[版主回覆03/15/2011 16:56:00]佢八緊咋
其實賞櫻花真係好難撞到正架! 媽媽之前有留意都話未開花架! 到咗果個星期六都諗住同表姐去東涌行架! 但點知天氣又無好呀~ 岩岩又見到有人話佢哋星期日已經影到有櫻花啦! 媽媽都係見天氣唔好先去睇下喳, 點知撞岩呀~出年我哋一齊留意下,再一齊去賞花呀~
回覆刪除[版主回覆03/16/2011 09:37:00]真係好難預花期, 我地09年4月11日去過, 剛花兒盛開, 上年3月22日就開晒及好凋零, 今年早返 d , 又險些詔花期, 好似少女心事, 真難捉摸