今星期唔係去鹿湖, 係上西灣山
原來呢邊一樣有吊鐘花, 婆婆一路行, 一路搵, 呱呱叫話 : 呢度又有, 果度又有一棵, 但都開晒花呀.....
無吊鐘花, 仍有其他花開 ^^
快到吹筒坳....
我地接上麥理浩徑第二段.....
點解逆行, 因為感覺唔駛一次上 314m 米 lor....
上了一段石級後, 基本係山路...
可能太耐無行山, 大細媽抄小路, 搵碎石路上山, 婆婆又學....
其實佢真係攞苦來辛, 條好路係隔離, 只係長少少o者
水庫好少水, 希望待雨季來時會補充返.....
春天到, 滿山除紅芽, 也有嫩綠芽...
我地又抄小路啦.....
婆婆又跟, 真係老頑童
上到高高, 影返大浪灣, 俾果位商人掘爛的土地, 變了兩個大池, 因為天色多煙霞, 睇唔清楚破壞成點....
大浪四灣, 希望政府珍惜, 唔好再俾人破壞呢個世界級靚景.....
行行重行行, 終於到西灣山最高位 314M
本來想o係呢個亭大休, 但都係 12點多, 唔停再行遠D先...
落山, 多碎石, 婆婆慢慢呀.....
行多幾步, 下邊望到浪茄灣.....
今日在西貢, 全日無見過陽光伯伯開工, 但紫外線都幾勁, 又話最高有 20度, 都無呀, 來到呢度, 仲好大風, 婆婆媽咪都要著返外套添....
下面涼亭可以大休, 仲見到浪茄仔...
食完午餐, 急急腳走人, 因為好大風, 吹到個個全身凍晒....
Yeah, 到浪茄...
我可以喪跑沙灘......
又可以掘沙
玩到全身沙, 都唔怕俾媽咪鬧, 因為佢預左喎
再來.....
掘返個沙窩, 好清涼, 好舒服, 你地下次都可以試下
跑完沙灘, 要走喇.....
細媽, 有D野呀......
你睇下果邊....
真係有野o架.....
好似走開左....
細媽 : 洛洛, 唔好理喇, 由得佢, 唔好騷擾佢喇, 走啦.....
到一二段分界....
下次來浪茄跑, 會係幾時呢......
落東霸喇.....
今次逆行, 好似輕鬆好多, 或者無猛烈太陽啦.....
10點起步, HEA 下行, 唔夠 3 點就到, 雖然比好多人慢, 又唔係賽跑, 最緊要行得安全又開心
回到家對面公園球場, 棵玉棠春開花了, 花朵好大, 好靚, 全公園又開滿桂花, 陣陣桂花香, 次次經過, 婆婆同媽咪都特別醒神o架
我哋尋日响長洲有少少陽光呀, Dee Dee 媽媽都話尋日朝早睇天氣預告係無雨落呀,但估唔到仲有陽光添呀~
回覆刪除洛洛頂帽好型仔呀!~
[版主回覆03/06/2011 18:22:00]天文台講幾陣微雨, 但起身無
但西貢係紫外線猛, 咁無陽光 lor.
e 都行得好快呀, 3個鐘咋喎
回覆刪除[版主回覆03/06/2011 18:23:00]洛洛 : 十姨, 我地唔係行左玩左 5 個鐘咩
哈哈~ 過左一晚打回原形喇 ... 囂珍姐
回覆刪除[版主回覆03/07/2011 13:27:00]一日貨仔咁大把
呢段路好舒服，我都諗住行，只係呢兩日都忙！下星期如果天氣好，迪蘇會闖呢段路啦！
回覆刪除[版主回覆03/07/2011 13:28:00]今星期好似好天, 只係煙霞咋, go go go, 迪蘇又出動
星期六晏晝我地喺錦田果邊都覺得熱！仲俾個太陽晒添！ 你地真係勁呀！自己開條路嚟行！
回覆刪除[版主回覆03/07/2011 13:32:00]條路唔係我地開o架, 因好多前人行過, 已變成捷徑咋, 洛洛身後就好明顯睇到麥徑同捷徑