2010年11月20日

101120三遊荔枝窩

今日來烏蛟騰主要目的, 係來食雞粥

當抵達時, 我地遇了二位叔叔, 佢地會同我地相反方向行, 並相約在路途重遇

今日路程與100117再遊荔枝窩相同, 為免無雞食, 我叫媽咪早D入來, 所以 8:30am 就起步出發      




在過左李氏宗祠無耐, 媽咪發現了一所小型樹屋



前段怕有村狗, 細媽抱實我, 過了烏蛟騰村, 我地正式踏入行程  - 烏蛟騰郊遊徑....


一路迥轉上石級, 一路攀高....


到呢個位, 要同郊遊徑 Say Goodbye.....














到分水凹直昇機坪....


想找個高位影印塘洲, 可惜煙霞大, 有我無佢


惟有分開影  .... 


上次無同紀念碑影, 今次補返


細媽又有陰影的石路











又到分叉位, 媽咪睇過地圖, 去珠門田 / 梅子林都可以到荔枝窩, 但比較少人, 都係照行舊路...            





又見印塘洲...


再見魚骨石路, 即快到荔枝窩....

途中, 我地又遇返早上兩位叔叔, 佢地用左兩小時, 行左五分三路程, 佢地話佢地行全圈係用約三個半鐘, 勁呀.......


Yeah, 開始步入荔枝窩自然步道...          


五指樟          


風水林.....     


霸道的榕樹同通心樹 - 秋楓...


荔枝窩舊客家村莊





來到我好驚, 事關聽到狗吠呀


原來村內上年12月6日開了一間地質教育中心, 我地入內參觀同義工傾下


或者星期六真係少人, 大廣場的有記無開, 都唔緊要, 因為我地今日揀定了另一間


來咁多次, 終於知呢條村叫"慶春約", 間小學翻新了....


點解步道無左o既, 好多白花藤同銀葉樹都好殘.....


原來我地 1 月中來後, 步道暫時封閉, 要進行保育工作.....





客家村全貌... 


入紅樹林海岸....





要行快少少, 因為我地要向今日目的地進發......


就係呢度喇, 三椏村合益士多, 我地今次揀呢度食客家菜


有雞粥, 即是有雞肉, 媽咪揀起雞肉大清洗, 咁我就有得食


食飽想影張到此一遊時, 我無晒心機, 大細媽都覺我面色難睇, 影完就即獲利回吐, 將雞肉嘔返晒出來, 細媽話可能佢抱我離開士多時, 隻手頂親我個胃, 搞到唔舒服而嘔嘔, 好蝕呀


但一嘔完就舒服晒, 我仲笑晒口


我地走去三椏村小碼頭打個白鴿轉.....


又到狗生交叉點, 揀上路行犁頭石, 定係揀下路行經三椏涌往上下苗田好呢 ?


最終我揀上路, 因為留下次再來, 行上下路來回


紅樹林同蘆葦草得好茂盛, 高了好多, 好多.....


上山了.....     

















又與下路匯合......


九擔租村....  





16:00pm 又見新屋下, 即是完成今日行程....


點解要早出, 因為怕黑要早回, 等下車, 回來又要買下野整晚餐, 返到屋企樓下都 5:45pm, 入黑了, 月亮姐姐都出來了


今日行程 : 烏蛟騰 >亞媽笏 >分水凹 >荔枝窩 >小灘 >三椏村 > 犁頭石 >九擔租 >烏蛟騰, 約 12 公里, 以婆婆龜速, 都係用了 6 小時, 但比上次更覺舒服, 唔係好難咋


點擊放大地圖

8 則留言:

  1. ★珍妮 & 毛毛★2010年11月21日 凌晨1:07:00

    嘩你地個lunch 好豐富呀
    [版主回覆11/21/2010 18:13:00]真係好好味, 又其係三杯鴨, 你地快D又去試啦

    回覆刪除
  2. 就算唔難行,但6小時都怕怕呀﹗ 洛洛好勁,行咗咁耐都面不改容,仲要笑笑口。
    [版主回覆11/22/2010 13:06:00]只係對我地來講, 真係唔難咋

    回覆刪除
  3. 上次去過一次烏紋騰, 真係好靚 .. 下次等我帶埋婆婆又去過至得
    [版主回覆11/22/2010 13:09:00]我地今次去幫襯這家客家菜, 只係再行入少少咋, 去喇, 去喇

    回覆刪除

  4. 呢四款菜,必食!仲欠石蠔!
    [版主回覆11/23/2010 11:01:00]我知酥炸石蠔出名, 但我怕香港近岸 D 蠔唔太乾淨, 唔敢試

    回覆刪除
  5. 呢條路有部分我有同乖乖,珮珮同KURUMI&SHIRO 行過,我記得仲係第一次識MILLY添!不過行左一個鐘。跟住我地返轉頭去吃盤菜!
    [版主回覆11/23/2010 11:05:00]我記得你地行過了九擔租村, 在下路往上苗田方向, 在小溪石躉位回頭呀
    下次拉隊去埋三椏村食野啦

    回覆刪除
  6. 洛洛,我哋班莎莎友諗住十二月再去行呢徑呀! 都係星期六去行喎! 一定要食客家三杯鴨架~
     
    [版主回覆11/23/2010 11:07:00]我都會在 12月再行上下路, 未定邊日咋
    三杯鴨酸酸甜甜好好味, D 薑好似薑醋咁, YUMMY, YUMMY  

    回覆刪除
  7. 我地上次就同你相反,烏蛟騰 --> 荔枝窩 --> 鹿頸。行左六個鐘。三月去果時都d榕樹都封左喇,估唔到到而家都係封緊喎.....香港人真係唔愛惜大自然丫。
    [版主回覆11/23/2010 11:12:00]我想下次行烏蛟騰 --> 荔枝窩 --> 鹿頸, 但怕鎖羅盆難過同有多村狗, 因為據聞鎖羅盆村民養多了狗呀.....
    D白花藤同銀葉樹好殘, 有D銀葉樹已經穿心並鋸斷了, 慘不忍睹

    回覆刪除
  8. 唔係酥炸,係清蒸!放心,好好味,好乾淨!十幾人食過都無人有屙!
    乜鎖羅盤有人住咩,廢村黎個喎?我哋早兩年經過,人影都無,廢屋爛屋就大把,好陰森吓喎!
    [版主回覆11/23/2010 13:09:00]果日大大隻字寫 : 酥炸石蠔, 另有白灼鮮魷添....
    以我現時咁, 唔可以隨便食野, let it be 呵呵
    我見有人點, 炸起唔夠吋半大 law
    我巡 blog同 forum, 年中有人去過, 影過相, 圍晒網, 起左網門,但旁邊係位俾人行, 有無人住就唔知, 只知村民養狙幾隻狗咋...  

    回覆刪除