101113城草鉛埔行

天朗氣清, 又係行山好日子, 昨晚媽咪先諗去邊, 搞到頭爆, 終於決定來城門水塘, 因為唔怕我行到成身泥濘喎, 今日仲係大妹第一次行山添

9:30起步, 我地頭段行畔塘徑, 好多中學生都在星期六來此練跑, 我地仲碰到二表姐跑步練習, 可惜佢唔可以停低聊天, 而大表姐就一早跑完, 9 點已經返屋企了....

到分叉位, 我地轉上去草山方向....

上路大斜上, 婆婆行到傻

我地三母子好耐無一齊影相, 叫婆婆幫手影, 點知......

僅唔收貨, 要再來幾次, 直至影到為此

又到分叉位, 一邊去針山, 一邊往草山, 我地今日目標係草山

又係一路繼續上大斜.....

又有分叉位, 向左行落去鉛礦坳, 我選右向上去草山.....

點解要揀草山, 因為風景靚, 又開揚, 辛苦D都值....

12:36pm 到觀景亭, 到大休同食午餐.....

當然要跑行草地啦....

休息 20分鐘, 好大風, 吹到好凍, 要起步喇...   

行左 10分鐘, 就到草山, 有成 647m , 今次係我第二次來o架, 對上一次係08年點擊去081129針◎草◎鉛

開始落天梯去鉛礦坳喇.......

30分鐘落到,  好似比上次快

為左去廁所, 我地必須去鉛礦坳

下星期五係樂施會毅行者比賽, 今日已見掛起晒慳電膽作準備.....

接住沿大埔滘林道行....

到休憩亭, 有小徑往大埔墟車站, 都係 3公里, 又未行過, 今次要試下

細媽 : 呢邊呀, 另一邊都得o既, 但媽咪話要上斜, 最後都係落大埔公路, 少車返屋企, 呢邊啦.....         

又係喎, 全小徑好好行......

到龍城堡, 就有車路, 我都行左一日成十幾公里, 都攰喇, 細媽抱我行埋出大埔墟...

16:41pm在大埔墟車站河邊, 仲再行去廣福村先有車回家, 全家都腳仔軟, 早點回家休息....              

按此可放大地圖