當抵達時, 我地遇了二位叔叔, 佢地會同我地相反方向行, 並相約在路途重遇
今日路程與100117再遊荔枝窩相同, 為免無雞食, 我叫媽咪早D入來, 所以 8:30am 就起步出發
在過左李氏宗祠無耐, 媽咪發現了一所小型樹屋
前段怕有村狗, 細媽抱實我, 過了烏蛟騰村, 我地正式踏入行程 - 烏蛟騰郊遊徑....
一路迥轉上石級, 一路攀高....
到呢個位, 要同郊遊徑 Say Goodbye.....
到分水凹直昇機坪....
想找個高位影印塘洲, 可惜煙霞大, 有我無佢
惟有分開影 ....
上次無同紀念碑影, 今次補返
細媽又有陰影的石路
又到分叉位, 媽咪睇過地圖, 去珠門田 / 梅子林都可以到荔枝窩, 但比較少人, 都係照行舊路...
又見印塘洲...
再見魚骨石路, 即快到荔枝窩....
途中, 我地又遇返早上兩位叔叔, 佢地用左兩小時, 行左五分三路程, 佢地話佢地行全圈係用約三個半鐘, 勁呀.......
Yeah, 開始步入荔枝窩自然步道...
五指樟
風水林.....
霸道的榕樹同通心樹 - 秋楓...
荔枝窩舊客家村莊
來到我好驚, 事關聽到狗吠呀
原來村內上年12月6日開了一間地質教育中心, 我地入內參觀同義工傾下
或者星期六真係少人, 大廣場的有記無開, 都唔緊要, 因為我地今日揀定了另一間
來咁多次, 終於知呢條村叫"慶春約", 間小學翻新了....
點解步道無左o既
, 好多白花藤同銀葉樹都好殘.....原來我地 1 月中來後, 步道暫時封閉, 要進行保育工作.....
客家村全貌...
入紅樹林海岸....
要行快少少, 因為我地要向今日目的地進發......
就係呢度喇, 三椏村合益士多, 我地今次揀呢度食客家菜
有雞粥, 即是有雞肉, 媽咪揀起雞肉大清洗, 咁我就有得食
食飽想影張到此一遊時, 我無晒心機, 大細媽都覺我面色難睇, 影完就即獲利回吐, 將雞肉嘔返晒出來, 細媽話可能佢抱我離開士多時, 隻手頂親我個胃, 搞到唔舒服而嘔嘔, 好蝕呀
但一嘔完就舒服晒, 我仲笑晒口
我地走去三椏村小碼頭打個白鴿轉.....
又到狗生交叉點, 揀上路行犁頭石, 定係揀下路行經三椏涌往上下苗田好呢 ?
最終我揀上路, 因為留下次再來, 行上下路來回
紅樹林同蘆葦草得好茂盛, 高了好多, 好多.....
上山了.....
又與下路匯合......
九擔租村....
16:00pm 又見新屋下, 即是完成今日行程....
點解要早出, 因為怕黑要早回, 等下車, 回來又要買下野整晚餐, 返到屋企樓下都 5:45pm, 入黑了, 月亮姐姐都出來了
今日行程 : 烏蛟騰 >亞媽笏 >分水凹 >荔枝窩 >小灘 >三椏村 > 犁頭石 >九擔租 >烏蛟騰, 約 12 公里, 以婆婆龜速, 都係用了 6 小時, 但比上次更覺舒服, 唔係好難咋
點擊放大地圖
嘩你地個lunch 好豐富呀
回覆刪除[版主回覆11/21/2010 18:13:00]真係好好味, 又其係三杯鴨, 你地快D又去試啦
就算唔難行，但6小時都怕怕呀﹗ 洛洛好勁，行咗咁耐都面不改容，仲要笑笑口。
回覆刪除[版主回覆11/22/2010 13:06:00]只係對我地來講, 真係唔難咋
上次去過一次烏紋騰, 真係好靚 .. 下次等我帶埋婆婆又去過至得
回覆刪除[版主回覆11/22/2010 13:09:00]我地今次去幫襯這家客家菜, 只係再行入少少咋, 去喇, 去喇
回覆刪除呢四款菜，必食！仲欠石蠔！
[版主回覆11/23/2010 11:01:00]我知酥炸石蠔出名, 但我怕香港近岸 D 蠔唔太乾淨, 唔敢試
呢條路有部分我有同乖乖，珮珮同KURUMI＆SHIRO 行過，我記得仲係第一次識MILLY添！不過行左一個鐘。跟住我地返轉頭去吃盤菜！
回覆刪除[版主回覆11/23/2010 11:05:00]我記得你地行過了九擔租村, 在下路往上苗田方向, 在小溪石躉位回頭呀
下次拉隊去埋三椏村食野啦
洛洛,我哋班莎莎友諗住十二月再去行呢徑呀! 都係星期六去行喎! 一定要食客家三杯鴨架~
回覆刪除[版主回覆11/23/2010 11:07:00]我都會在 12月再行上下路, 未定邊日咋
三杯鴨酸酸甜甜好好味, D 薑好似薑醋咁, YUMMY, YUMMY
我地上次就同你相反，烏蛟騰 --> 荔枝窩 --> 鹿頸。行左六個鐘。三月去果時都d榕樹都封左喇，估唔到到而家都係封緊喎.....香港人真係唔愛惜大自然丫。
回覆刪除[版主回覆11/23/2010 11:12:00]我想下次行烏蛟騰 --> 荔枝窩 --> 鹿頸, 但怕鎖羅盆難過同有多村狗, 因為據聞鎖羅盆村民養多了狗呀.....
D白花藤同銀葉樹好殘, 有D銀葉樹已經穿心並鋸斷了, 慘不忍睹
唔係酥炸，係清蒸！放心，好好味，好乾淨！十幾人食過都無人有屙！
回覆刪除乜鎖羅盤有人住咩，廢村黎個喎？我哋早兩年經過，人影都無，廢屋爛屋就大把，好陰森吓喎！
[版主回覆11/23/2010 13:09:00]果日大大隻字寫 : 酥炸石蠔, 另有白灼鮮魷添....
以我現時咁, 唔可以隨便食野, let it be 呵呵
我見有人點, 炸起唔夠吋半大 law
我巡 blog同 forum, 年中有人去過, 影過相, 圍晒網, 起左網門,但旁邊係位俾人行, 有無人住就唔知, 只知村民養狙幾隻狗咋...