莉花風暴兩周年 - 準備抗戰

好快又一年, 上星期睇完公司驗身報告, 順便約埋許醫生, 醫生話兩年間, 我的谷丙轉氨酶, 近一年無回落在安全水平, 常維持在 50幾, 而超聲波顯示, 我的肝臟比較粗糙, 可能呢兩年間一直重複發炎, 於是再按醫生建議, 即日照 fibroscan。

一路照, 我有睇 scan時的指數同問過放射治療師, 是否以此數據為準, 我睇到是比兩年前的一次高了, 上次是剛好踩界咋....

上次覆診, 醫生已建議我接受治療, 以防病毒繼續損害肝臟, 佢提了兩個方案:

1. 食藥, 每月約 $2000, 副作用好少, 係要長期食, 唔可以停, 但都有機會食一段時間, 病毒會下降至低水平, 唔影響肝臟繼續發炎, 可能係 10年, 15 年, 或永遠服用而唔可以停, 唔同人都唔同.

2. 都係食藥, 每月$1000左右, 副作用微, 但同抗藥性較大, 醫生唔建議, 但以我病毒DNA數量, 都可以試下.

3. 打一年皮下針藥, 費用 $ 6 - 70,000, 頭兩至三次會有類似傷風感冒症狀, 適應後會無事, 副作用極微, 有三分之一機會可以抑制病毒唔回升, 丙轉氨酶同病毒都處於低水位, 咁就可以唔駛再終生食藥, 但如果是三分二果批人, 就要食返藥。


今早睇完報告, 肝臟比兩年前確是差了, 我 20歲時肝炎病發後, 谷丙轉氨酶都在正常水平, 隨年齡漸長, 肝炎病毒會一路發炎, 一路影響肝臟 。

我好詳細再問清楚醫生, 打針同食藥的副作用同療效, 醫生建議我早點接受治療, 咁可能歇止肝臟纖維化情況惡化, 叫我考慮清楚, 當刻一路問, 一路眼濕濕, 事關我真係好眼淺的。

離開診所, 一路行, 個心係度盤算, 也問了無賴, 我下了決定了..... 

我決定博下我是三分一的幸運兒, 我接受針療, 療情 6 - 12個月, 如果療情對我有效, 谷丙轉氨酶同病毒都處於低水位, 咁我就可以唔駛再終生食藥, 又唔會令肝臟纖維化同硬化, 而引致最終演變成肝癌

約了下星期二開始打第一針, 準備抗戰