今日媽咪帶我地來大埔行山, 未起步, 已經同我地講, 前段係上梯級, 慢慢上高山, 唔駛急, 一步一步, 就可以捱上頂
, 而且今日行程, 可長可縮短, 到時睇體力同時間
今日遲左出門, 我地轉車來到大埔頭徑, 9:25am起步
呢度係衛奕信徑第 8段中段 W099
起步就係梯級.....
呢條又係熱門晨運徑....
我地剛起步, 已經有人晨運完落山.....
媽咪 : 洛洛, 唔好跑咁快, 都話慢慢 hea上, 唔好咁急呀, 婆婆跟唔切o架......
收到
第一個休憩亭....
婆婆因為有晒心理準備, 佢話會一步一步慢上.....
路徑係又上, 又有平路....
途經傻人樂園, 有告示話歡迎參觀, 但上鎖o既.....
又梯級啦....
再上高少少, 會見到康樂園....
行得攰攰地, 做下腳底按摩先.....
咦, 原來會接返泥路o架....
但好似連綿不斷, 仲未是最高的九龍坑山 ge......
又過了一個高山, 遠遠是到九龍坑山, 望就近, 仍然有一大段距離....
山徑左邊可以望粉嶺一帶, 而我望緊右邊係大埔鳳園....
最高發射塔位, 仲有兩個山頭.....
又征服一個, 行埋對面好企o既梯級就到.....
望上去, 有種攝人氣勢.....
終於到啦.....
婆婆都捱埋上來......
打後唔太難行了.....
我企的大石後, 係山崖, 唔小心跌落去就屎硬......
婆婆好開心, 因為咁大段梯級, 佢都完成了......
到九龍坑山啦, 如果唔想行太遠, 有小徑行去沙螺洞, 但我地見依家都係12:15pm, 一於行遠點....
離開高山, 進入八仙嶺郊野公園, 也是第 9 段開始.....
沿途爛車路....
來到流水響郊遊徑傻人坳避雨亭匯合點......
向郊遊徑繼續行程.....
全係山徑, 呢段路, 我地 07年12月2日來過http://hk.myblog.yahoo.com/phyllis2210/article?mid=919
流水響水塘...
山徑交匯處, 接回衛奕信徑往鶴藪水塘方向下走, 經石坳山到左平頂窩, 我地直落鶴藪水塘.
鶴藪水塘
婆婆, 你係咪好懷念 080101戰八仙呀......
今日好乾燥, 好多樹草枯萎在地上, 但全係落山路, 好跣, 我地小心奕奕行, 因為連我都有跣過.....
衛奕信徑與鳳馬古道交匯處......
我地轉往沙螺洞.....
周圍仍舊生了好多薇金菊, 而且地上有好多大黑蟻, 仲會咬人, 細媽咪抱我行lor
到沙螺洞村....
有村民改建了舊村屋, 仲開了士多.....
行得咁辛苦, 我地當然幫襯食豌豆花啦....
我地原計劃係打算沿沙螺洞路落沙角路, 但行左一段路, 媽咪佢地見有的士, 載了一位老公公上來, 老公公身旁有部購物車仔, 疑似係住在沙螺洞百歲老人, 當時媽咪話好少有的士上來, 如果佢空車落來, 問細媽會唔會上車, 唔再行埋車路落山, 說時遲, 那時快, 細媽回頭望, 見部的士駛來, 於是一揮手, 我地就跳上的士, 是為 3:39pm
經過頭段漫長梯級上山, 今日運動量都夠, 原本全程連行埋去富善村有 11 km, 上左車,行少左 2.5 km 呀
點此按大地圖
大姐, 你身體狀況 .. ok la ??
回覆刪除有時間就好好休息啦
[版主回覆11/27/2010 23:11:00]昨晚身體OK呀, 所以昨晚睇齊資料出動
我唔會勉強自己o架, 放心啦
明天行半日, 下午就會回家休息
望落條路好有行萬里長城 feel，真係睇見都驚 婆婆個個星期都跟你哋長征，好勁呀！
回覆刪除[版主回覆11/27/2010 23:14:00]你問下 Lina就知幾萬里長城 feel
呢段路, 就係怕婆婆驚, 考慮左三年先行
婆婆以前都行唔到, 都係慢慢練返來的, 出去吸下新鮮空氣, 做下運動, 對佢好D
小心，身體要緊，唔好勉強自己！
回覆刪除[版主回覆11/28/2010 16:13:00]當然啦, 我依家已經在家了 hehe
唔該哂大細媽,教我媽咪做三文魚雜菜批,我妹妹好鐘意食啊.
回覆刪除[版主回覆11/28/2010 16:16:00]唔好咁講, 細媽都係周圍睇, 綜合埋一齊來試整咋
個批好靚, 望落好正, 見妹妹個樣, 好期待呀
真係好勁呀.連續兩日都行山呀,仲同埋婆婆添呀!
回覆刪除[版主回覆12/02/2010 09:30:00]現時為止, 一連兩日都 OK o架, 都唔可以一連兩日都係長征 law
回覆刪除條樓梯望到都嚇暈！
[版主回覆12/02/2010 09:50:00]望落好驚嚇, 但慢慢行就唔覺