2010年5月3日

100502梅花+茅坪+大水井古道

今日我地約左花姨同 Elmo行山遠足呀

我地在沙田廣源村匯合, 行去黃泥頭村, 9:52 am正式起步

Elmo, 你可唔可以學我咁, 正經坐o係度影張出發相呀

Elmo : 我狗生第一次正正式式長征行山, 個心好緊張, 我心點可以平復喎 



細路仔, 一起步你要留力, 行一行, 歇一歇, 先可以行得遠程o架


唉, 呢個 Elmo, 真唔通氣, 咁來搶我鏡


Elmo : 麻婆, 我頂帽戴得好穩, 無甩呀


Elmo, 頭段都係梯級, 唔會太難....


開始入泥徑同石頭砌道, 我地跟實細媽就得...





Elmo : 婆婆, 地面好多青苔, 好滑, 你慢慢一步步行喎


Elmo : 大姨婆, 我咁識照顧老人家, 係咪好抵錫呢





Elmo : 我頭髮短, 紮唔實辮子, 帽仔咪甩lor, 我要留返長少少頭髮先得


11:15am 到梅子林村....








左右門神


我地無貼錯o架, 笑容同步伐都好一致o架





完成梅花古道, 我地打算行梅北古道經茅坪落西貢


梅北石磴古道比梅花古道, 砌得更平穩, 更好行...


幾次都跑輸俾 Elmo







Elmo有用不完的精力, 要我狂吠佢, 要制止佢先呀

茅坪新屋....                                 





古村已荒廢, 但劉氏宗祠已經俾後人重新翻新, 感覺好唔同晒....








Elmo : 洛大伯, 我好開心你帶我行山, 我鍚啖你表示下先啦

洛洛 : 哎o丫, 叫到老晒, 仲要男仔之家, 唔好咁啦, 尷尬屎, 好醜怪o架

Elmo : 怕嘜o者





休息完, 又上征途.....                     


12:40pm, 茅坪坳大草地大休.....


Elmo 沿途跑跑跳跳, 又當我係欄杆跨跳過我幾次, 又撞埋我身邊幾次, 無時停, 大休都仲要玩拋波


好似有無窮無盡精力




實情係.....       


佢已經累屎了, 扒o係度變白燒乳豬


Elmo : 無呀, 我好精神喎    


茅坪坳有個大字路位, 媽咪其餘三面都未去過, 繼續行去北港, 只需一小時, 去昂坪接馬鞍山郊遊徑落大水井又得, 好難決定


最後由我決定繼續行梅北古道


13:20pm 繼續行程.....


落了一段路, 我地發現有條分叉位, 媽咪走去望, 好開揚......


仲望到西貢海一帶, 地圖都有指示明顯路徑......


原來係大水井古道, 又係全程石板砌成, 慢慢沿山向下落....


開揚又有大風吹, 路又平坦, 都幾舒服o架, 如果由麥徑4段過昂坪落大水井, 一定係大石級, 唔好行o架








行大水井古道, 因為一邊係山岥, 樹比較矮, 記住帶遮同帽保護呀.....





途中都有樹蔭位, 要學我識搵蔭位乘涼呀


到呢度, 接回馬鞍山郊遊徑終點.....


向下行往茅坪新村, 就完成今日行程


Elmo : 我狗生第一次長征, 由 9:50am 開始, 行到 14:50pm, 剛好行左 5 小時, 約莫行左 7公里, 又跳石級, 又狂跑, 起碼行多 3 公里, 都算叻仔卦


洛洛 : 其實今日唔算行左太遠, 但天氣好熱, 適可而止呀, 希望遲 d 又一齊行過


7 則留言:

  1. 咁熱仲着衫?唔焗咩?
    [版主回覆05/03/2010 17:02:00]因為 Elmo 仲細, 又剛剛剷晒毛毛見肉色, 無左毛毛保護, 用件衫遮下陽光, 怕佢昵傷呀, 件衫疏孔ga

    回覆刪除
  2. 洛洛,請問Elmo 係乜品種黎架? 但尋日長征好熱喎?~
    [版主回覆05/04/2010 11:53:00]其實佢係約瑟, 我地睇實佢三姊弟出世ga, 星期六佢地一家都有出來玩, 欠大家姐有事咋...
    企中間金毛係mami, 淺色係 daddy, 都係唔夠 2.5 kgs, 但 elmo 有成 3.5 kgs, 勁, 仲要個樣又 cute, o岩晒走剪莎路線 hehe   

    回覆刪除
  3. Elmo是史納沙呀.....
    [版主回覆05/04/2010 11:54:00]係ar, 史納沙 look , elmo, 大姨婆愛屎你

    回覆刪除
  4. 呢次行完 .. Elmo回家 .. 仲可以玩呀
    我都叻叻 .. 第二日都完全冇痛冇酸
    [版主回覆05/04/2010 14:35:00]如果你唔掂, 下次我只同我個 Elmo  行

    回覆刪除
  5. 貢 .. 你要自己入呢青衣接佢喎

    回覆刪除
  6. 咁elmo 算好叻喎, 可以跟到洛洛行
    [版主回覆05/07/2010 12:40:00]今日剛一歲, 精力無盡, 玩左兩日, 星期日晚仲要玩波波, 唔屎 Zzzzz gagaga  
    佢似細版 Dee Dee ar

    回覆刪除
  7. 嘩....9點幾起步....5個鐘.....9公里.....未行完我諗已經屎左喇

    回覆刪除