100516梅子林/長城古道/打瀉油坳/石芽背/花心坑

一心以為今日有成 31度, 本打算下水禮o架, 點知又早上陰天, 媽咪怕我凍親, 一於又行山遠足好

今日9:15am 咁早又來大水坑村呢度o既

原來先食早餐, 食飽飽, 夠力氣行

9:55am, 我地首先由梅子林路起步

出發 lu....       

10:35am, 到梅子林村村口........

為安全計, 入村時, 我會用繩, 咁有村狗出沒, 細媽都可以一拉抱起我

跟住路程無廁所, 所以o係梅子林旱廁方便後先好繼續起行 (10:46am)

梅北古道, 上次同 Elmo來過......

但今日好潮濕, 要小心一步步慢行, 否則好易滑倒o架....

婆婆, 唔駛急, 我地大把時間....

開揚地方, 泥地都好濕, 天文台又話有太陽出現o既

進入仙境

枯葉加泥濘, 同上次唔同晒.....

11:25am, 來到茅坪古村, 我變身泥巴洛

12:02pm, 到茅坪坳, 昔日茅坪坳有間叫"聯達五鄉公立學校", 所以行山界又稱呢度叫「五聯達」, 而涼亭就建於o係昔日聯達五鄉公立學校地基上面....

已經中午, 來到呢處比前更煙霧迷漫, 太陽伯伯, 係怕羞嗎

12:12pm, 休息完又食完包包又上路, 我地今次選擇接上麥徑第 4 段去行萬里長城古道                  

又緩緩上斜, 在小樹叢中穿梭, 雖然濕漉漉, 都唔算太辛苦....

相信濕度係 100%

13:10pm 到芙蓉別 (490m), 四周白茫茫

呢處有路落三塊田, 雖然只係 1.8 km, 但望落山一片迷濛, 而且到三塊田又要行一大段車路出西貢公路, 當然唔去啦

都係跟住麥徑走好

原本呢度可以睇西貢白沙灣一帶, 但你地都見啦, 茅野睇, 都係行 lu

開始行萬里長城...

又叫長城古道, 又叫黃牛古道, 又叫水牛山古道, 咁多叫法o既

望落山下........

雖然好似陰天, 但紫外線好勁, 細媽副全視線變左黑色, 所以婆婆擔遮係擋陽光咋

我全身泥漿已經開始乾, 又變硬, gel 實晒

見野生百合呀......

14:06pm 抵石芽背 (380m), 我地要離開麥徑轉入花心坑, 如果繼續前行, 要去到基維爾營地, 跟住沿飛鵝山道, 行 1.5 - 2小時落清水灣道呀, 又要用繩拖, 又遠路, 僅唔好去啦

個牌寫往花心坑要 1.3km, 1/2 hr, 但媽咪唔相信咁快可以到

上左小小山, 但地面仲好濕, 唔好貪快....

14:10pm, 一路都係上山, 到呢度就向下行....

一路林蔭..... 

但見廣源村, 我地發現市區係好天, 有太陽出現, 好似兩個世界咁.....

終於見有含苞待放的野生百合花.....

15:00pm 到花心坑, 都用左 55 min, 多成倍時間

細媽, 婆婆, 我睇緊地圖, 你地唔屎急, 我等你地.....

嘩, 近市區好曬呀.........

終於陽光普照.....

我地由明記花園行落來, 可以向下行入大輋村, 而我地向上行去平時行開的行人路...

我地由黃泥頭就係呢度上來o架.....

好好天呀........

回望返轉頭, 山上仍係在仙境中, 分別兩個境界......

15:20pm行畢全程, 都幾好玩, 如果唔濕又無霧, 相信更好呀

按此放大地圖