100521城門菠蘿霸>針山>草山山腰叢林泥徑>鉛礦坳>大埔滘

今日係佛誕假期, 我地好早約埋大姨媽一齊行山, 由我家坐的士去接大姨媽, 再去城門水塘小巴站 : $110

9:45am 由城門水塘菠蘿霸小巴站出發

今日假期, 的士唔可以上去麥徑 6段終點位, 否則我地唔屎行多 25分鐘上來

嘩, 金毛小姐, 你幅 Rayban 好型o下喎, 用埋眼鏡繩, 包無機會甩, 而且佢同佢主人都有戴同一款眼鏡, 型爆              

大姨媽, 你又來搶我鏡o架

今日朝早天氣幾好, 又好陽光, 我充滿行山經驗, 在蔭位行就無有怕

原來今日打算行車路, 經畔塘徑去鉛礦坳, 但來到麥徑 7段起點, 媽咪多口話曾經諗過上針山行一轉, 咁大姨媽跑慣野外定向, 當然無問題, 婆婆竟然話 : 咪行下o蘿, 咁就拍板上去                                  

10:32am 起步, 大家俾心機上山喇.....

上路都係石級, 行下休息下先.......

但上高少少, 回頭望返城門水塘, 超正......

話你地知o丫, 原來婆婆唔記得08年11月行過針山同草山, 佢上上下就話 : 點解咁多石級, 笨左添

好彩有大姨媽殿後傍實婆婆, 慢步上, 實上到針山山頂

好好天呀........

11:34am, 背後獅子山同飛鵝山都睇得好清楚, 連馬鞍山都無雲遮擋....

努力, 1 2 3 ..............                      

婆婆, 加油                                

我背後係針山, 好快到目的地.......

婆婆差少少就到, 俾心機..........  

中午12:00, 用左 1.5小時上來, 齊晒人抵針山 (532m)

山頂望下, 不同深淺的綠色, 好靚.....

仲見好多野生百合花花蕾........

12:11pm 小休後, 落山了........

遠遠草山山頂, 我地唔打算上去o架

落針山段接回車路, 在山上 已見車路右邊見一明顯小泥徑落山, 原來可以往大圍鐵路站, 有心人將繩子結在樹枝, 仲在地上寫字指示, 只係媽咪睇完無影低咋.....

到呢個分叉路口, 又有一個最後退出點往沙田市中心, 問左婆婆攰唔攰, 佢又話OK喎, 叫話繼續向前行                     

途中見一隻鳳蝶臥在地上飲水, 佢拍翼起飛時, 在翅膀後部有彩藍色的閃光, 好靚o架

媽咪回家問高人叔叔, 原來呢隻蝶叫"巴黎翠鳳蝶 Papilio paris (Paris Peacock)"
有翅尾，翅膀表面散佈金屬綠色的鱗片，後翅有兩片閃藍色斑紋。

沼途, 我地見好多楊梅樹(又名水楊梅), 抬頭望, 樹上結滿果實, 但好多未熟就掉在地上, 部份可能係馬騮摘下來的....

行到草山分叉位轉左行, 行行下, 媽咪覺得有D唔對路, 即刻拎地圖睇, 原來轉早左, 轉錯落水塘方向, 大姨媽話行返轉頭, 搵下新鮮感, 於是途中折返在中間點, 找到條林蔭小徑往鉛礦坳 (13:41pm)

我地唔行車路, 行綠蔭泥徑喇

途中沿草山山腰行, 左轉右轉, 又過小溪位, 可以淋水降溫....

雖然中途有點兒驟雨, 但都係好微微雨, 唔擔遮唔著雨衣都唔會好濕身,

14:37pm 橫過標本林車路, 接上對面小徑繼續行.....

15:03pm 到鉛礦坳直昇機坪......

到鉛礦坳洗下臉, 去個方便, 又繼續......

向大埔滘進發.....

在林道行, 望對面山, 有點似梯田, 一級一級.....

又蔭又晴又風, 好舒服.......

來到呢個石躉位, 好大風, 樹葉吹到反底白色, 仲吹到我走晒樣, 可惜媽咪當時離我太遠, 走近時, 奇景消失了

踏入大埔滘自然護理區......    

17:00pm 好晏了, 快幾步先.....     

17:28pm 到四色林徑終點, 仲要落大埔公路先有車走....

到大埔公路, 時為 17:45pm, 都有成 14-15 km, 剛好行了 8 小時 XDXD

按此可放大的地圖