2010年3月21日

100321晴天下都變泥鴨 - 鹿巢山

連玩兩日, 媽咪話今日天氣晴朗, Hea下行條短線喎, 咪又去馬鞍山郊遊徑lor



今次果幾隻村狗無再跟實我, 細媽只係抱我過左佢地間村屋, 我就自己行


昨日在長洲, 好大煙霞, 今日好好陽光呀


迪蘇同叻叻上星期來時, 成地好濕, 今日石級乾晒了.....


仲一望見到鹿巢山石林, 媽咪話今日路程短, 不如上去兜個圈


我由右旁好直的大石, 直爬上獨木舟石, 嚇到媽咪屎屎下, 旁邊十幾個叔叔同姨姨見到我咁勇直爬, 都讚我.........勁   




青蛙石....       


馬鞍山在我背後......


我地跟住班叔叔姨姨走, 媽咪見迪蘇早排行過呢度去大水坑, 話不如改去行鹿巢山落富安花園 / 大水坑, 細媽同婆婆舉手讚成.............





起步, 周圍環境真係好靚, 又唔算太難走.....


蜥蝪石.....                                   


點知班叔叔姨姨影完蜥蝪石就走返轉頭, 媽咪未行過, 問左由山下上來的一班行山人, 佢地話向下有分叉位, 唔好轉左上山, 直去, 再見分叉位, 轉右落馬鞍山村, 轉左落富安, 我地唔想去馬鞍山村, 怕有村狗, 僅係去轉左














行下, 行下, 開始覺條路比較多碎石, 又熱, 我要鑽入草位, 屎唔肯出來飲水, 其實我身後係有條路上山, 山上有支紅旗仔, 但唔肯定係邊個山 lor.......


點都要行, 惟有繼續.........


山下的馬鞍山村同教堂....        


行在小樹叢, 我有點怕.....


所以一定貼實大細媽腳後.....     


我地在分叉位轉左落......


其實我身後仲有位轉返去馬鞍山村.....


碎石多, 小心走, 但每個山頭都有小路, 媽咪認定富安方向行, 而且身上有地圖, 應該唔會錯卦      


原來呢度叫天帝糞坑, 生晒小樹同草, 唔同晒.....


我好鍾意個糞坑, 跳落去行左 5-6轉

src="http://www.flickr.com/apps/video/stewart.swf?v=71377"

flashvars="intl_lang=zh-hk&photo_secret=d5e642f99f&photo_id=4449710999&hd_default=false"
height="281" width="500">

, 但行去對面, 又唔肯定去邊, 於是我地沿糞坑向下行.....


行行下, 突然有水聲, 我好開心, 一支箭衝落去, 仲坐在水中, 於是在晴天下都變了泥鴨                                                


其實都無預今日呁辛苦, 好彩婆婆都無怨言....


感覺開始唔妥, 似乎要開始有碌落山之勢.....


一路都碎石岥, 媽咪佢地好專心落, 如果今日潮濕, 一定唔知點行.....


馬鞍山一帶, 有好多野生杜鵑花, 最多係紅色, 我地都有見到粉紅色花, 但距離好遠, 跟本影唔到, 呢張都係拉近先影到咋....


我地行行下, 去到一個似乎係晨運客常來的山頭, 附近放了好多裝了山水膠水樽, 以為好快到平路, 其實係錯覺, 因為早前山火, 落山路都係燒枯樹枝同草頭, 我地沿深坑位, 慢慢斜落....  


你地睇下, 有D地方, 仲有人綁上大麻繩, 就知幾難行......


落到呢度比較平坦位, 回望都幾辛苦, 以為終點在望, 原來仲要繼續落


又要拉繩啦, 佐係.........               


今次真係到平路落回引水道....就係呢個位, 有漆油寫此路上鹿巢坳, 原來我地轉轉下, 去左由鹿巢坳落, 真驚險又刺激


有蛇皮出沒


我地見有寫由車路往梅子林, 但覺得好似好遠, 於是轉右行樓梯, 細媽見有個鼻哥有鼻屎, 同佢通通鼻wor


但我地行左廿多級, 見點解又上返山 o既, 都係保險 D, 行回車路安全D, 怕又唔點知去左邊個山頭


我地落到梅子林村前, 轉出車路去富安花園


沿路間中有車, 我要小心D....


今日無落雨, 但都成隻泥鴨咁, 帽仔同圍巾又泥又炭屎, 但..........


雖然今日好似選擇刈點錯誤, 但我地感覺好刺激, 婆婆話間中一次都無問題, 反而媽咪雙腳要落大石坑及大石級, 酸軟 wor, 真係唔明, 唔通佢仲未好晒


我地在富安花園商場, 都有茶餐廳奕檯椅在外邊, 終於可以坐下來, 婆婆佢地食個遲午飯              


細媽見迪蘇同叻叻上星期都行呢度, 叻叻身上都捉到隻牛B, 於是細媽千叮萬囑, 要絲咪務必同我沖涼吹毛時, 全身大搜查.........


竟然在我身上見到隻乞人憎牛B, 仲好生猛, 但無咬齊我, 媽咪用膠紙痴佢都走甩, 終於, 細媽決定要佢享受滿清十大酷刑, 盡快處屎, 身上無血, 應該未吸我血, 希望大步檻過


5 則留言:

  1. 個乜乜糞坑對面係有路架!你地後段條路,同我哋上次果條好唔同,好似好艱難咁啊!好彩都平安抵步。
    洛洛今日又唔好彩中牛蜱,不過搵得快,殺無赦,去死啦牛蜱!
    [版主回覆03/21/2010 22:49:00]我今晚睇你地上次點行, 都覺唔同路, 再搵先知多數人過天帝糞坑再直上, 落返大水坑村
    怪不得碌極都未碌完
    但我都見有人由此引水道位上鹿巢山, 但肯定上去容易 lor
    好耐無見牛B上身, 已經狂噴野, 又帶防蝨帶, 真係防不勝防

    回覆刪除
  2. 嘩....洛洛隻咁大隻......dee dee 尋日都有一隻不過無咁大隻既, 我都唔記得寫出來
    [版主回覆03/22/2010 17:02:00]龍脊都有牛b @.@
    寶馬山果頭好多, 唔知係咪走左過去

    回覆刪除
  3. 我哋14/3 行果陣好大霧呀, 仲有中隻兩牛b 添呀!
    [版主回覆03/23/2010 13:34:00]就係因為有牛 b 上左叻叻身, 細媽先知我驗清楚 LOR
    希望大家都無事 ^^

    回覆刪除
  4. ★珍妮 & 毛毛★2010年3月22日 晚上10:07:00

    洛洛玩到成隻泥鴨咁
    好彩快趣找到牛b
    [版主回覆03/23/2010 13:35:00]仲要浸完水, 上來鑽草又鑽泥先屎

    回覆刪除
  5. 原來洛洛 like 玩屎坑 ka
    [版主回覆03/23/2010 13:36:00]原來應該行過糞坑, 過對面山去大水坑, 會易 D ga, 洛洛有先見之明, 係我地唔知咋  

    回覆刪除