星期一晚, 竟然有小固體加爛便便, 仲要臨尾噴槍咁射屎水出來
星期二同三 d 便便都係爛.........
昨日下午放補假, 回家同叉燒落街逛一逛, 點知行左一兩分鐘, 佢就痾一攤超爛便, 跟住佢跑回家要清 pat pat, 洗完後, 我地又再落街, 點知又痾, 仲係痾血
, 咪即時飛的睇 Vet, 
Vet 話可能食物受污染, 或狗糧受霉, 又或叉燒洛周圍 lam, 仲有佢話狗地係同人類一樣, 係雜食動物, 唔可以食蒸肉類果d , 會令腎臟負荷唔到, 年紀大了, 會嚴重影響腎功能, 應該只食狗糧, 會對狗地先好 wor....
點都好, 先食一星期藥
一日兩次, 每款一粒.......
仲要食幫助消化的罐頭濕糧, 一打開罐, 叉燒洛好興奮, 係就係好味, 但大細媽唔想你有機會食呢D野 wor, 快D好返啦...........BB
洛洛, 要聽話, 食晒d藥, 如果唔係sun 就冇街街去 ka la~
回覆刪除[版主回覆03/26/2010 13:21:00]今星期六日只可去短遊
食哂藥..好快冇事哩!!
回覆刪除[版主回覆03/26/2010 16:01:00]係呀 ^^
上次腸胃炎, 食晒藥都好快好, 只係今星期唔可以去行山 lor
呢個一定係超保守鬼佬獸醫啦！話一定要吃乾狗糧，食佢哋診所隻ROYAL CANIN最好添！
回覆刪除唔駛驚，洛洛吃幾日藥就會好番。狗地間中都會肚屙，小事啫！洛洛繼續吃homemade，唔駛理vet講啫！
[版主回覆03/26/2010 16:10:00]咁佢無話一定要食 RC, 叫我都唔會買, 勁味精味, 怕怕
我想將HM肉同菜比例重新分配, 我聽琪壹多媽講, 肉+飯 1比1俾狗地食, 琪壹多食完都無肥, 我同細媽商量下先
洛洛仲乜咁大件事呀.. 要乖乖吃藥快點好番
回覆刪除[版主回覆03/27/2010 22:48:00]好彩易餵藥, 希望快好, 昨晚有兩條軟便, 但都見有血在內, 今早又痾一攤爛爛
狗唔同人類, 雜食, 係肉食. 佢地腸胃消化系統比人短, 狗糧係甘短嘅消化系統內又點可以消化晒 生肉俾蒸肉好營養, 但唔係人人接受. 至於飯~~可以於痾時俾再+雞肉=R.C某隻處方糧嘅主要成份, 但少左味精、防腐. HM 份量可以七成熟肉+三成菜, 因狗嘅牙及腸胃天生以來都唔係 for 菜而 design. 計法 : 增肥~狗嘅体重 x 3% 保持~狗嘅体重 x 2.5% 減肥~狗嘅体重 x2% 菜係肉計出后 x 20% 記住人同狗嘅食物金字塔係相反
回覆刪除[版主回覆03/27/2010 22:54:00]我同細媽都認為, 雖然佢地腸胃短, 直腸直肚, 食完就好快痾大大 , 狗地已經被人類純化了幾千年, 所以應該都可以雜食, 我地唔會計咁足, 但菜同飯比例會加返, 謝謝指導
其實係未要食飯呢, 唔係無殼好咩
回覆刪除希望洛洛食哂藥快d 好番^^
[版主回覆03/27/2010 23:36:00]食晒果三罐濕糧先, 我見成分得 8%蛋白質, 穀類比例多, 婆婆話以後要煮埋洛洛果D飯喎