080404沙田坳麥埋浩徑第5段 part 3

我地行往筆架山途中, 回望獅子山, 一d 都唔似我地平時見ge 模樣, 山頂仲好大霧添.

龍翔道及九龍塘一帶都好迷霧wor.

嘻, 終於到左筆架山覲景台, 但都影唔到我身後九龍一帶市區ge.

仲有好多杜鵑花仲含苞待放ar.

今日又上山, 又落山, 但都鋪晒石級路.

雷達站

開始落山lor.

係wor, 我做下熱身, 拉下筋先

咦, 九龍水塘噃, 咪好快見到好可怕ge馬騮lor

我地今日影左好少相咋, 因為媽咪個相機內置相號編碼快接近9999, 一到9999就唔可以影, 要format張card同reset個編碼由0001開始先可以再影, 佢又唔記得拎多張SD出來, 惟有就住就住, 最後呢張終點相, 係用內置記憶影, 仲要係有隻唐狗遠遠來勢洶洶走來, 媽咪只有手忙腳亂怱怱忙忙影完走人.

仲有ar, 我地行出大埔道等車時, 突然有幾隻大馬騮狂追一家人, 想搶佢地手上膠袋內物品, 最後這家人都俾佢搶走左一包野後, 怱忙上左巴士. 隻馬騮高舉勝利品打開後, 竟然係一包貴價炭來, 好失望走左, 我地當時在巴士站嚇傻, 因為d 馬騮搶野時, 在我地身邊兩三呎咋, 我就在袋中嚇傻, 細媽同媽咪怕得要死ar. 所以我地係唔會行麥徑第6同第7段, 對馬騮真係要避之則吉.