080113灣仔尋棺失敗之旅

昨日到離島, 今日行條短程喇.
行海下, 往灣仔自然徑營地, 唔算難行ga.
本來想留返初夏時, 台灣相思樹盛花放開, 黃花夾道時來, 但今次先來採路, 順便搵下出棺材角的小徑.
出發lor, 入海下村有狗, 前段, 媽咪一定用繩護我ar.

洛洛: 好大風呀 , 媽咪, 明知我怕風怕浪, 又要我扮浪子, 仲有風繼續吹呢首歌, 一點都唔o岩我 

我帥嗎?         

擺個深情樣先.

昨日同今日天色相差幾萬倍.

上次我地行大灘郊遊徑時經過美麗的南風灣, 今日竟然變左垃圾灘 , 本來想行落去, 都失晒興趣.

到左攔路坳, 可選右往大灘郊遊徑, 或左向灣仔自然徑.

我地本來想行灣仔自然徑, 再去棺材角, 在欄路坳竟然有3條路

我地就揀左最左一條行, 以為o岩, 點知入左唔夠百米, 就盡頭, 個位只係介紹紅樹林

但靚景唔好side, 照影

回頭再睇地圖, 今次揀中間路, 我估無錯卦, 真係兩旁種晒台灣相思同松樹por

                    幾靚o丫

嬌俏婆婆

 

點解行到盡頭係個大平原, 似個直昇機坪, 又無路, 但又有條山徑上山ge

, 仲越來越斜同多碎石

原來我地又入錯線, 沿途都有人夠行, 相信大家都係行錯左

, 事實無清晰路標, 真衰

好彩都係爬一段崎嶇不平路, 又可以接回入自然徑

洛洛: 咦, 我見有人學緊玩定向por, 我又打mark 先

好耐無表演爬樹技倆, try 下有無失準先

我地接入自然徑後, 一路想搵入棺材角的小徑, 但一路都唔見

洛洛: 媽咪, 點解搵咁耐ge

洛媽: 我點知por

洛媽: 算o拉

, 應該miss左個位lor , 我地繼續行埋條自然徑lor

洛洛: 媽咪, 唔好失望, 雖然今次搵唔到, 咪下次再來lor

我地來到灣仔南營地, 嘩, 太先進喇

有大型廁所, 內有更衣間同沐浴間, 外邊有洗臉位同清潔水喉, 一d都唔似以前ge 野外露營

等我巡下, 唔知會唔會有日來露營呢

離開自然徑, 我地原路返海下, 坐小巴回西貢市中心, 食我地午飯, 並結束今次行程.

因我地手上無清晰地圖, 而且係當天早臨時定去灣仔,  以前有指示牌指向棺材角, 我地有經過呢個位, 但俾個均衡定向標吸引, 無為意, 回家上網查位, 原來有人7月行時, 個指向棺材角指示牌已經被拆除, 可能漁護署唔想人行去棺材角, 怕生意外lor, 條路碎石多, 部份位要靠前人留下ge繩索落, 但相信好天時, 個view 係好正.

等相思樹開花, 再去影黃花夾道, We will be back.

由於篇幅所限, 有更多相可以在以下link.

http://www.flickr.com/photos/phyllis2210/sets/72157603699911854/show/