080112東梅古道

上次經Jubee 爸推介大濠灣, 媽咪上網搵資料, 發現一條東梅古道, 可以由梅窩行去東涌, 我地今日就來一試
東梅古道，乃昔日東涌直通梅窩的要道, 但因為東涌道及嶼南道的興建, 古道已漸被棄用. 現在, 只餘附近村落村民同郊遊人士行咋.
先由碼頭出發先, 我背後係銀礦灣沙灘, 今次唔係向果邊行, 影相留念算

向銀礦灣畔行人小徑前走, 跨過小橋再步過大小商舖, 可見鋪得平整的寬敞消防車道, 沿路行, 有清晰路牌可達的白銀鄉.

白銀鄉又有明確路標, 唔難搵WOR

過左文武廟一路行, 好快到銀礦灣瀑布, 因為我地行入河中影, 全樹蔭, 又大背光, 加閃光燈都唔可以照得我光

上坡山徑, 走一小段斜坡後, 見有漆黑洞穴一個, 就係著名的銀礦洞. 入邊好黑, 我都係在外邊影相算.                                                

離開銀礦洞, 續向上走不久將經過村屋疏落, 有窩田村及黃公田村. 站於山徑開揚地方, 可下望銀礦灣畔及碼頭附近一帶景色.

又到全程之最高點, 望渡坳, 都係184米.

又話係古道, 已經人工化了, 一路石屎路, 一d 都唔難行.

來個喪跑先, 超級爽爽.

o架o架, 我今日除左坐船時外, 心情特別開心wor

離開望渡坳, 接住下坡路段, 穿過兩旁綠草青山, 就見前方低地村落及嶼北之海岸線, 仲有係大濠灣ar         

繼續下走, 見個供遊人休息的涼亭,於亭上向外望, 兩旁高山與前方低地村落及大濠灣拼成一幅靚畫.            

行落d, 大濠灣又近d 靚d.                                                                

先經萬興橋先.           

我地入左大蠔新村, 險些誤行錯反方向路, 好彩問個伯伯咋.

接著經牛牯塱村, 兩層高新建村屋一幢接一幢, 好有特色.

白芒村.                       

白芒村的一個垃圾焚化爐.                            

離開白芒村, 回到水平線, 一路行, 可以步出大蠔灣畔.              

又接上小徑, 向東涌方向進發, 小徑與北大嶼山快速公路及翔東路平衡, 下望見到北大嶼山快速公路及機場快線鐵路.

竟然有行山feel wor, 山徑後段, 開始崎嶇, 途中好多碎石路. 因為那小徑其實不是一條完整的石屎徑, 又要走去水道, 又過山澗碎石, 要小心翼翼行, 好彩係旱季, 無洪水咋.

成功通過後後崎嶇路, 快完成行程.

終於行完成條古道.   

本來條路好易行, 只係2-3個鐘就可以完成, 但我地慢慢悠閒地行, 又影相, 由12點行到6點幾 , 最後都在東薈城食我地個午晚飯

因篇幅所限, 有更多相在以下link.

http://www.flickr.com/photos/phyllis2210/sets/72157603696499178/show/