080126老餅驚喜交集生日派對

1月26日係我地皇瑟堡御廚老餅(Suki)生日, 一班姊妹同佢老公密謀, 玩過驚喜派對 本來想成班人帶埋狗仔在彭福等壽星妹, 由老笠騙佢老婆大人去彭福ga, 可惜25/1一直落雨, 如果到時又係咁, 真係人狗兩徬徨, 連個蛋糕都唔知放o係邊好, 好彩有間Dog cafe又空檔, 即時在25/1改換場地. 個傻婆已經覺怪, 問個個星期六有冇空, 竟然無人可以有空陪佢, 可能當刻覺得原來自己都無mud friend. 佢又真係好單純por, 好輕易就俾佢老公呃左上dog cafe. 我地叫老闆熄晒燈, 由小花同老細手拿點了蜡蠋的生日蛋糕, 大家手抱狗兒, 屏息以待壽星妹入來.

嘩, 個傻婆見間cafe 烏燈黑火, 但又見有人影同狗影在內, 竟然呆立當場, 可能以為撞鬼ar, 果刻鐘, 一齊唱生日歌, 傻婆失控, 忍唔住淚光, 驚喜嗎?? Suki

080127龍脊之旅

洛洛: 今日雖然天陰, 好彩都無下雨, 原本呢個行程, 係大姨媽帶我地在聖誕節行的行程, 可惜當時我染左牛脾熱, 唔可以太粗勞, 終於今日鐵定成行了

我地經大姨媽提醒, 可以直接坐車到柴灣, 沿連城路直上, 經柴灣哥連臣角墳場行去大潭峽懲教所起步點, 以婆婆步速, 都係30-45分鐘左右, 咁就可以省去在筲箕灣轉多程車                  

心愛玩具

自從有左洛洛後, 我就買左部canon ixuz 60 傻瓜機, 希望將所有歡樂時光留下. 但日子久了, 身邊瑟友的單反, 令我感到傻瓜機無法即時捕捉洛洛每一刻, 常常心動 去擁有一部. 上年年尾, 我已經在 400D 同 40D間浮游, 重量係大問題, 又要考慮呢款鏡頭合我用, 都幾懊惱

有次同無賴行街, 佢全晚就陪我四處睇相機, 又玩, 又試, 佢知我好想好想買部單反, 只係未定主意咋.

最後細媽一句話: 好想在洛洛同婆婆身體及精神還可以時, 盡快將佢地美好時光留住, 我就即刻行動, 約埋仔仔爸去買40D, 以免400D日後又再因鏡頭問題, 又花錢買部高級機身.

我一直無同無賴提過此事, 因為07 年內, 竟買左3部相機 (fujifilm s5700, samsung NV20 同 canon 40D), 好似好誇張, 但我係一路摸, 一路更想深入研究攝影, 似乎無法自拔.

昨晚, 無賴又有空閒出來了, 佢又一路行, 一路指D 相機, 我終於忍唔住講俾佢知, 我在年尾買左部 40D. 好彩早D講咋, 原來佢一直想買俾我作為舊曆新年禮物, 如果我一直保密, 到時又多部 40D kit set, 就浪費晒金錢, 始終當兩手賣出去都會蝕水ga. 但佢o依家好想再買部外閃俾我, 都唔知點好lor, 太重了, 但佢心意喎 , 都係拒絕佢好d , 反正都少用外閃, 買來都係浪費ar

080120瑟風采

媽咪成日話約其他小朋友一齊行山, Milly EE提問有冇興趣一齊去南丫島, 咁天氣預告話當日天氣會唔差por, 細媽話, 如果又係榕樹灣至索罟灣家樂徑, 真好鬼屎悶wor, 佢同媽咪印象記得中, 有條路由風采發電站, 行去舊水泥廠, 好似都係柏油路, 而且其他人都未去過, 就一於係咁行喇.

我地好早到左中環, 咁媽咪實唔放過我, 又要擺pose 影相

大家睇, 我同細媽心情幾正.

080113灣仔尋棺失敗之旅

昨日到離島, 今日行條短程喇.
行海下, 往灣仔自然徑營地, 唔算難行ga.
本來想留返初夏時, 台灣相思樹盛花放開, 黃花夾道時來, 但今次先來採路, 順便搵下出棺材角的小徑.
出發lor, 入海下村有狗, 前段, 媽咪一定用繩護我ar.

洛洛: 好大風呀 , 媽咪, 明知我怕風怕浪, 又要我扮浪子, 仲有風繼續吹呢首歌, 一點都唔o岩我 

080112東梅古道

上次經Jubee 爸推介大濠灣, 媽咪上網搵資料, 發現一條東梅古道, 可以由梅窩行去東涌, 我地今日就來一試
東梅古道，乃昔日東涌直通梅窩的要道, 但因為東涌道及嶼南道的興建, 古道已漸被棄用. 現在, 只餘附近村落村民同郊遊人士行咋.
先由碼頭出發先, 我背後係銀礦灣沙灘, 今次唔係向果邊行, 影相留念算

向銀礦灣畔行人小徑前走, 跨過小橋再步過大小商舖, 可見鋪得平整的寬敞消防車道, 沿路行, 有清晰路牌可達的白銀鄉.

080106釣魚翁西貢悠閒行

因為媽咪病左幾日, 怕遠行支持唔到, 所以今日翻炒釣魚翁郊遊徑, 但就唔行埋大廟一段, 以免要叫直昇機求救呀.

080105荃灣又十十

今日因為受貓犬通訊邀請, 我地一班皇瑟堡堡主及城主帶同11隻愛犬到佢地攝影樓拍照及做專訪, 因為係版權問題, 我地唔可以拍現場花絮, 惟有等下期出版時即買喇.

由於契仔女媽只可帶契女布丁出席, 我地先相約食個午餐先. 一見布丁丁, 佢無上妝時個樣, 好似電左個新髮型, 真係笑屎我地呀

做完專訪, 我地即刻call van 趕往荃灣海濱匯合阿b, 毛毛, o者喱, ling ling & 華仔幾個小朋友. 當晚相聚的小朋友有我乖仔洛洛, 契仔阿b, 珍珍, 契仔o者喱, 契女布丁, 毛毛, 悠悠, 哈哈, Macy, Yo Yo, Pee Pee, 珮珮, ling ling, 華仔, Pooh Pooh, Hero, 細細 共17個, 天太黑, 大家只係帶左傻瓜機, 無同咁多位小朋友影相ar.

080101零八戰八仙

踏入08年第一日, 為了實現婆婆早前挑戰高峰的願望, 我地希望能在今日完成婆婆今年心中第一個所想, 一定要達成目的, 希望先苦後甜, 全年都順順利利

媽咪考慮很久, 決定先由鶴藪水塘出發, 即是沿衛奕信徑第9 段順行, 雖然初段直上天梯往屏風山的路, 比較多碎石, 但上山容易o麻, 總好比逆行