221030姜濤灣之旅

婆婆腳損, 好耐無出外, 見佢傷口埋得唔差, 行路可以, 今早同佢去附近豪宅食早餐. 年幾無來, 連餐廳都轉左, 但仍有幾個姐姐識, 走來同我地講好耐無見.

呢份先係婆婆全日早餐, 細媽本來話太大份, 唔好俾婆婆食, 怕佢食唔晒.

哈哈, 全份食晒, 佢話飲埋杯立克, 剛剛好, 食力真勁. 送婆婆返屋企後, 我地又出動.

到維園一落巴士, 好快見緣份叮叮.

我地搵左個樹底, 又唔太張揚嘅位企, 緣分又來.

向姜濤灣行, 又見.

好大個LED呀.

轉去叮叮站時, 又有見到.

以為要等好耐, 緣分又到, 我地等左兩架車咋, 第三架就係阿媽車, 係方晴在茶餐廳, 好開心, 我地坐到.

到海富主題店, 好多糖.

好彩搵到個正位嘆下.

接住過尖沙咀碼頭, 團歌應援燈箱完左, 惟有坐巴士去旺角.

打埋兩張咭回家, 好充實的一天. 家洛, 我地聽你話, 會好好生活, 放心呀.