221022入秋大妹首步禮

未踏入9月, 已經同家洛講, 入秋又涼, 我地就三母子一齊郊遊, 家洛坐細媽號, 去最方便的深井行. 可惜, 現在已無法實現. 今日由大妹代替阿哥, 太陽帽隨行.

想唔到咁好天氣.

大媽嘗試幫大妹戴太陽帽, 細媽話大妹細咁多, 想唔到又得喎. 沿途好多行山客誤會大妹係真狗狗, 大媽解釋.

楓香未紅.

但都見到有一至兩棵變色.

因為停左行山幾年, 大媽怕自己行唔到, 本來打算深井兜一個圈.

最後決定行完山路出車路再定.

行行下, 到田夫仔營地, 遇到幾位清潔工, 其中一位叔叔見大媽睇地圖, 以為我地唔識路, 想指導下我地, 大媽話諗緊想去邊, 因為大欖涌水塘一帶真係可以周圍兜都得, 最後同叔叔講, 我地決走去荃灣.

行完一大段石級上返車路, 當時大媽雖然腳攰, 好彩拎左行山杖借力, 還可以.

點知影完呢張相, 再行多十分鐘, 右小腿就抽筋, 全腳肌肉硬晒. 惟有停低休息按摩. 細媽話咁點好, 改行程回深井定點. 大媽睇地圖, 其實兩邊路程相若, 只要唔再抽筋, 去荃灣應無大問題.

行程繼續, 途中墦然有石級, 慢慢行囉.

行到第一個涼亭, 小休下.

大媽話不如行入去蓮花山公學.

家洛在090517, 091226, 130303同160305來過呢度, 今次由大妹代行.

離開公學, 返回原路, 大媽帶細媽去一個開揚位望大橋, 呢帶, 當年大姨媽一家常來呢帶玩野外定向.

石龍拱個牌, 在家洛有生命都轉幾次, 呢個都殘舊了.

冬青樹.

快接近完成元荃古道, 最怕的斜路. 今日大妹相伴, 回憶同家洛行山點滴, 好懷念, 以後只能在相回憶.