因為上星期日立冬涼左, 細媽話留低婆婆, 帶我去行下山.
上落梯級或斜路, 我唔係太好力, 細媽主力揹我.
一到平路, 我就自己行, 周圍都見芒草了.
仲見部分楓香變紅呀.
想唔到好暖.
仲好曬, 大細媽無帶遮同風扇仔出來.
點好 ?
曬咪抱囉.
上到清快塘小徑, 我仲記得呢個位, 可以小休下.
再繼續行.
入村了.
來到楓香路, 樹葉未變紅.
咁下次又來.
見到有一棵變色.
行前又見.
上到林徑, 我地在涼亭旁一張檯休息.
我成個挨實細媽, 好舒服.
媽咪話上到來, 行下泥路先算行山呀.
呢段係元荃古道一段.
好多位平整左, 無左亂石.
大石斜坡, 都有整好.
好彩唔係用水泥鋪, 比較自然.
到河溪就反轉頭.
因為我開始攰, 要抱抱了.
但休息左一陣, 我仲想行下.
但返到涼亭位, 好攰了.
唔行喇.
上返斜揹袋.
其實我想瞓.
於是又轉另一部私家車.
呢個係可以平卧.
仲有位托起頭.
今日係出動左我兩個袋, 媽咪無拎背囊呀, 咪轉用我個斜揹袋裝返所有野囉.
落到深井村, 我已經攰到殘樣, 但起碼可以享受下郊遊樂都幾好呀.
沒有留言:
張貼留言