200310見醫生

一停藥, 我上星期六又痾軟便, 媽咪打去診所問可唔可以配藥, 姐姐在星期一先打到電話問莊醫生, 佢建議返去診所檢查同照超聲波. 莊醫生要星期四先有空, 但吳醫生就可以在星期二有位, 咁早兩年前, 係吳醫生建議話止唔到瀉, 最好身體檢查下.  所以, 最緊要快見醫生, 唔想拖.

約左今早 10:45, 先磅重 5.8 kgs. 見到醫生, 便便顏色正常, 佢話留低我抽血同照超聲波. 因為我比較定, 唔駛麻醉. 細媽就預12點半返來診所接我同聽報告.

細媽返到診所, 醫生話超聲波照到, 都好多問題, 開始劃圖講解.

脾臟有粒3點幾公分瘤.
胃至12 指腸有粒 1 公分瘤.
有膽沙.
肝臟都OK.
胰島素有白, 不過無發炎, 可能係當年牛脾熱影響.
脾臟的瘤, 因為近肚皮, 比較貼, 建議切, 因為驚瘤爆, 引致腹膜炎, 內出血.
最大問題係十二指腸粒瘤, 位置比較煩, 要先再抽血出去驗, 等一星期先有結果, 再決定下一步點做. 如果腸瘤做手術, 要先做CT 電腦掃瞄, 睇清楚位置.
仲有要留意牙肉, 如果變白, 即有可能個脾瘤爆了而貧血, 立即睇急症.
心跳OK, 可以做手術.
白血球指數唔好, 可能係發炎.
腎可以接受, 因年紀大, 唔好食太多肉, 怕對腎唔太好, 因為腎有點點沙.
至於軟便問題, 可能係脾及膽分液影響, 引致多細菌在腸胃內, 唔食止瀉藥, 先食抗生素, 睇效果.

圖解有講, 視乎腸瘤位置來定點做手術.

今日的簡單驗血報告, 媽咪睇過, 都OK.

媽咪話, 我始終都15 歲, 自從我對上的 Kit Kit 姨姨走後, 佢在有我時, 好早已經有晒心理準備, 我老了, 身體狀況一定有唔同. 所有事, 都會有上天安排, 唔好抱怨做錯任何決定. 佢有同細媽講, 平常心處理. 再者, 我現在不知幾精神, 食得, 瞓得呀.