大細媽一直知我鍾意行沙灘, 又或在沙灘喪跑. 自從婆婆唔夠力氣, 加上早兩年山竹摧毁左西灣亭落大浪西灣一段路, 我地都無去過沙灘.
我可能遲些會做手術, 加上夏天來了, 大細媽決定, 唔預婆婆, 今日三母子一齊去西灣.
入去西貢, 一定要早, 怕遲些多人, 所以來到西灣亭, 我都未瞓醒. 真係唔想出來.
起步一陣, 媽咪問我, 自己行唔行, 定繼續坐細媽私家車. 諗下, 都係出來.
估唔到好大風, 媽咪只係帶左件薄風褸覺得凍, 細媽仲只著短袖同防曬手套咋.
惟有快快行.
仲係好大風.
到吹筒坳, 吹到企唔穩.
細媽抱我落斜路, 到平路, 先俾我行.
對上一次來, 係 30-01-2016, 足足四年無來, 呢塊海邊咸淡水交界地紅樹林地, 變成了有機種植農場.
上次來時, 整片地俾人燒晒所有植物包括紅樹, 因為話係私人土地, 要宣示主權.
終於出到海邊, 真係好耐無踏落沙灘.
海灣茶座的小狗見到我, 走來跟實我地行. 細媽仲請佢食雞片, 媽咪話唔好, 驚佢全程跟實.
小狗好乖, 食雞片又斯文. 小朋友好現實呀, 細媽話食晒喇, 佢跟住我地行左半個灘, 就返去茶座.
佢走左, 我地繼續行入D.
雖然我跑唔快.
但係好開心.
呢舊摩打仍在.
玩左一陣, 向副灣果邊行.
上次山竹, 將直升機坪同西灣一帶好多位吹毀. 呢段路無晒植物.
直升機坪重新整.
比以前大左好多.
我地行去四疊潭出口先.
唔同晒, 以前, 溪水可以流出大海, 潮退時, 先可以有捷徑上山. 現在變成了內湖, 水位都幾深.
我地周圍行下.
細媽話想去觀星台睇下, 佢話抱行捷徑上會危險, 最多行遠少少, 行石屎橋過.
上高D, 風景唔同D.
到達觀星台, 呢個位, 以前係露營區來. 其實, 會唔會有人摸黑來呢度觀星呢 ?
回程, 上高少少望.
內湖水係反射綠色.
媽咪話呢度前少少落啦, 由佢抱我落.
多左好多人, 落斜坡時, 好多人都上緊來.
差不多喇, 回程了.
行埋呢段平路, 上斜有細媽.
今日, 媽咪無拎背囊, 改拎我另一個新背囊私家車.
因為要上斜, 如果抱我, 行得唔方便, 平常個私家車袋, 改做背囊, 承托唔太好, 呢個袋, 買左好耐, 今日第一次用, 因為個袋設計, 只能坐, 唔可以伸直平卧. 大細媽驚我唔鍾意,又唔習慣.
起初入去, 我真係一路轉來轉去, 終於, 我轉啱個位, 定下來. 個袋唔拉埋拉鍊, 我就可以望下天.
入去時, 細媽唔記得同我除帽同頭夾, 見我定左, 唔想又煩我.
我打橫瞓, 頭抬起, 好舒服.
細媽好勁, 一條氣就上到吹筒坳. 媽咪在後追, 又擔心我瞓個位置會扭到頸. 當在吹筒坳落斜, 佢在高少少位時到我, 我不知幾自在. 細媽無帶遮, 媽咪諗到向太陽方向的拉鍊位, 拉埋一半, 又可以擋陽光,又空氣流通.
差不多到西灣亭, 我出來, 大細媽又交換返個袋, 我幾想入返個新袋, 細媽知我一定係瞓得舒服, 先揀個新袋.
我地唔坐村巴, 我唔駛入袋, 坐的士出返市中心舒服多. 今日好開心, 返到屋企, 梳洗後, 又大覺瞓.
沒有留言:
張貼留言