話今日早晚有霧有雨, 去邊好呢 ?
諗住城門水塘好耐無來, 又係石屎路, 有雨都安全D.
準備好晒, 入埋閘, 全家開始食麵包時, 遠遠見有馬騮行出來, 嚇到全家一跳, 媽咪立即命令全家退回閘口外, 以免馬騮見到, 跑來搶麵包.
決定明智, 全家食完早餐先再出發, 沿路好多馬騮坐著, 細媽一路抱住我, 媽咪護實, 其實佢兩個都好驚, 媽咪仲想撤退改去另一度, 最後頂住上.
行到好入, 先無馬騮咋.
今早涼, 又有風, 少少凍.
我行全都可以.
係唔敢笑.
怕漏暖氣.
今日天陰.
唔似上星期.
今日唔會有藍天.
但無雨.
乾爽都好好.
暫時仍未見有馬騮群.
點知, 快到半閒亭時, 又有一大群馬騮, 有成年, 有BB.
本來想即回頭, 但婆婆話想行埋去大草地, 我地又小心翼翼啦.
好彩, 水塘白千層一帶都寧靜.
婆婆想落來行.
我當然陪.
兜左一陣, 跑左一陣, 真係要回程了.
因為又想趕返屋企瞓午覺.
仲有呀.
事關回家前, 一定去食飯.
婆婆揀條短線.
雖然要落石級.
但行少好多喎.
而且, 仲未見有馬騮出沒.
但都要一眼關七.
盡快到終點位.
到喇, 落埋石級, 就可以坐車返屋企, 好野, 又開心食雞乾大餐.
沒有留言:
張貼留言