因為避免腳仔整污糟, 所以, 改為今星期為生日周, 今日去東龍島, 輕鬆走走.
婆婆行得慢, 我地預早些出門, 未夠 8 點出門, 又因為星期六頭班都好多人坐, 早些買飛保險D.
今日有一大班中學生, 好嘈, 都係在外等上船.
碼頭無左廁所, 但就修改成懷舊特式.
有多呀, 都係早些上船, 搵位坐好.
上年生日前夕都係來東龍島, 今年又係, 同樣都係多煙霞.
個個趕去霸露營位, 人潮去, 我地慢慢行.
入村, 有兩隻友善朋友仔尾隨, 好彩都係好聽話, 在士多已經無跟.
比較少人上南堂碼頭就轉去鹿頸灣.
我地次次都會來.
婆婆慢行, 唔太夠時間, 所以, 我地都係行一半路, 唔去鹿頸灣了.
來呢邊, 主要係.....
影下生日相.
反正人少, 唔怕人來人往.
睇住時間, 我地返回南堂先.
今日食個早飯, 見呢間新開的士多 : 小白屋, 有牌寫話優惠餐, 雙併麵 食$23, 另加 $8 有野飲, 咦, 都幾抵下. 點知坐低, 餐牌寫雙併麵食$26 (時菜, 煎蛋, 腸仔, 餐肉火腿揀二) , 熱飲 $16起, 奶茶同咖啡都係三合一包裝沖. 大細媽諗住都坐低左, 照叫啦, 飲哈叫華田保險些.
點知, 細媽同婆婆叫的煎蛋時菜米粉, 得一隻煎得唔靚的煎蛋, 同兩片生菜, 湯底淡而無味. 媽咪的餐肉腸仔丁麵都一般, 埋單收費竟然係 $118, 都唔知點計.
我地又中伏, 大細媽費事同嘈, 無下次了.
接近中午, 太陽出來開工.
因為一條路, 婆婆自己慢慢行.
我地行先.
景色唔同晒, 唔係今早的灰.
仲好易望到清水灣.
海風吹, 白頭浪湧來.
我竟然無驚浪聲, 媽咪覺得好神奇.
光線好.
我又心情好.
張張相都靚.
見婆婆未出現, 我地擔心佢有事, 回頭搵返佢, 婆婆話自己唔會周圍走, 會沿路慢行, 叫我地安心去影相. 咁小徑人來人住, 都唔怕.
我地行去去露營區, 必定上去炮台, 但企滿晒學生影大合照.
來得, 當然去上去崖邊望望.
崖邊都有人扎營, 又多人, 好彩側到少少位影.
不宜夠久留.
我想入炮台, 細媽唔俾, 我想在橋底搵位入都唔得.
又去另一石灘邊.
跟住又爬上山, 搵返上年個大石位.
唔似呢個位.
係呢舊喇.
因為再上的話.
個景會唔同.
呢度可以影晒對而半島同崖位.
落返些少, 雖然都唔差.
但都係上邊舊大石好, 唔知下次, 識唔識搵返.
我地要回頭搵返婆婆.
回頭, 岩石邊, 人潮無晒.
我地可以又任影, 唔駛避影, 影埋其他人入鏡.
夠了.
大家都掛住婆婆.
到左碼頭, 我好心急, 諗住一支箭咁衝去碼頭邊, 就立即上到船, 大細媽追我唔到, 但都未夠鐘, 仲要等成個鐘呀. 惟有在碼頭行下, 望下海洋生物. 見人潮又湧來碼頭, 都係早早到碼頭排定隊先.
沒有留言:
張貼留言