原來新計劃係上大東山呀
聽媽咪講, 大東山係香港第三高, 要經鳳凰山第二段, 中途接小徑再上, 如果由南山起步順行, 在大東山落回2伯公坳, 坡幅較斜同企, 婆婆會行得好辛苦, 所以我地又玩逆行....
往南山未計上埋大東山山頂要 6.5 公里, 官方話需時 2.75 小時, 其實係以豐富行山人士步速快步計算, 我地有埋婆婆, 預多一倍時間o羅.....
我地目的志在上高點同去尋訪天空之城....
頭段又高又企大石級, 我地預左慢慢上....
上年上鳳凰山, 又凍又大風, 今日雖然都有煙霞, 天色都算好, 仲越行越熱添...
望返對面的鳳凰山幾靚....
似係無窮無盡的石級....
媽咪話俾婆婆知, 上到山上有驚喜, 婆婆靠行山杖一級一級上, 充滿好奇....
我地上山時, 已經有好多外籍人士由梅窩來急步落山, 好利害...
終於較難的大石級已經過晒, 開始見平緩山徑...
上了好高, 仲未見頂...
婆婆加油....
突然見有塊石級俾油上 1100, 唔通只係 1100 級, 有人數住上
大東山另一出名係芒海, 當秋季來臨, 滿山充滿芒草, 好靚....
但上年秋季比較多雨水, 我地錯失機會, 希望下次搵機會來欣賞...
見到標誌距 L015, 就要開始留意上大東山小徑....
問過大姨丈同大姨媽, 當見到石屋, 靠左就見有小徑上山....
原來真係見到高高山上有石屋....
我地搵到小徑上山喇....
上高一點點, 原來在高山上真係有個天空之城, 呢度就係在 700多米高的著名旅遊景點 : 爛頭營大東石室....
有成 21 間石室座落在大東山同二東山草坪, 一陣上完山頂再回頭拜訪呢個天空之城...
上大東山小徑好窄, 我要俯低頭行先得....
遠遠見標高柱, 好緊張呀.....
婆婆差一點就到, 加油...
我地慢慢行, 終於用左 3 小時上到大東山....
大東山英文名 Sunset Peak, 原來鳳凰山出名看日出, 大東山就出名賞日落, 怪不得英文名叫日落山....
全家又一齊上香港第三高, 剛好又有一班叔叔在此大休, 我地可以有人幫我地影大合照...
上落山有幾條小徑上落, 但我地行的係比較易行同安全, 大姨媽叫我地原路落會好些...
落返鳳凰徑, 我地去大草坪玩喇....
因為 21 間石室遍佈每一個角落, 如果要去齊, 細媽怕太遲落山, 所以我地選擇性去較近鳳凰徑的參觀....
有路牌寫去南山仲有成 4 公里, 媽咪計返時間, 我地用左兩個半小時行左 2.5公里上到入來, 超級慢
見到天池呀....
呢個天池原來係游泳池, 唔係儲水池, 想當年在此渡假的人士, 一定無無樂而忘返....
雖然行左咁多大石級上來, 我來到呢個大草坪仲好有精力, 每間石室都圍繞一圈同周圍跑....
媽咪話難得上來, 唔好咁快走, 上埋二東山其他石室.....
本來石室曾經可以私人租用, 但據知業權問題, 暫時停止...
回望大東山一帶石室....
我地在 8 號屋大休食午餐...
遠遠係二東山山頂 (749m), 我地唔再上了....
事關係要行回頭落山, 怕婆婆行得慢, 我地唔花時間了....
時間唔早, 落山了....
我地伯公坳上來時, 望山下見長沙海灘, 但煙霞勁無影相, 現在行到呢邊, 望去東涌都係有點濛朧....
離開爛頭營喇.....
往雙東坳途中, 有分岔路去東涌, 原來係兼龍坑郊遊徑, 但呢條路係二東山690米開始, 急降到80米的谷地, 路途崎嶇陡峭, 而且全在密林, 全路濕滑, 絕對不適宜我地行, 行山必須睇清楚資料, 唔好以為路程短就簡單呢....
我地當然行較易路啦....
因為第一次來, 細媽以為仲要行去對面山, 嘩, 條路有咁長咩
唔係卦....
哦, 原來呢度係雙東坳, 望見係蓮花山 ( 766m), 有小徑上前往, 前兩星期, 大姨丈同大姨媽由蓮花山行去小蠔灣, 我地當然跟唔到啦....
落山都唔易, 所以我地唔會急, 緩緩一步一步下....
落山路都係石級, 但比伯公坳較細級....
途中也會經過小溪流...
都幾似西貢萬里長城....
以我細小身型, 行咁多上落石級, 開始有攰意....
尾段, 一路石級, 細媽間中都抱下我, 俾我休息....
見到 L016 直昇機坪, 即係快行完....
呢個十字位要留意, 原來有條路叫南山古道, 又係南山樹林研習徑, 我地已經攰, 無打算行, 落幾步就係自然護理署車路....
到呢度, 就係鳳凰徑第二段起點, 今日一共玩左 7.5 小時, 超晒值
我地橫過嶼南道, 坐車車回家喇
有成 21 間石室座落在大東山同二東山草坪, 一陣上完山頂再回頭拜訪呢個天空之城...
上大東山小徑好窄, 我要俯低頭行先得....
遠遠見標高柱, 好緊張呀.....
婆婆差一點就到, 加油...
我地慢慢行, 終於用左 3 小時上到大東山....
大東山英文名 Sunset Peak, 原來鳳凰山出名看日出, 大東山就出名賞日落, 怪不得英文名叫日落山....
全家又一齊上香港第三高, 剛好又有一班叔叔在此大休, 我地可以有人幫我地影大合照...
上落山有幾條小徑上落, 但我地行的係比較易行同安全, 大姨媽叫我地原路落會好些...
落返鳳凰徑, 我地去大草坪玩喇....
因為 21 間石室遍佈每一個角落, 如果要去齊, 細媽怕太遲落山, 所以我地選擇性去較近鳳凰徑的參觀....
有路牌寫去南山仲有成 4 公里, 媽咪計返時間, 我地用左兩個半小時行左 2.5公里上到入來, 超級慢
見到天池呀....
呢個天池原來係游泳池, 唔係儲水池, 想當年在此渡假的人士, 一定無無樂而忘返....
雖然行左咁多大石級上來, 我來到呢個大草坪仲好有精力, 每間石室都圍繞一圈同周圍跑....
媽咪話難得上來, 唔好咁快走, 上埋二東山其他石室.....
本來石室曾經可以私人租用, 但據知業權問題, 暫時停止...
回望大東山一帶石室....
我地在 8 號屋大休食午餐...
遠遠係二東山山頂 (749m), 我地唔再上了....
事關係要行回頭落山, 怕婆婆行得慢, 我地唔花時間了....
時間唔早, 落山了....
我地伯公坳上來時, 望山下見長沙海灘, 但煙霞勁無影相, 現在行到呢邊, 望去東涌都係有點濛朧....
離開爛頭營喇.....
往雙東坳途中, 有分岔路去東涌, 原來係兼龍坑郊遊徑, 但呢條路係二東山690米開始, 急降到80米的谷地, 路途崎嶇陡峭, 而且全在密林, 全路濕滑, 絕對不適宜我地行, 行山必須睇清楚資料, 唔好以為路程短就簡單呢....
我地當然行較易路啦....
因為第一次來, 細媽以為仲要行去對面山, 嘩, 條路有咁長咩
唔係卦....
哦, 原來呢度係雙東坳, 望見係蓮花山 ( 766m), 有小徑上前往, 前兩星期, 大姨丈同大姨媽由蓮花山行去小蠔灣, 我地當然跟唔到啦....
落山都唔易, 所以我地唔會急, 緩緩一步一步下....
落山路都係石級, 但比伯公坳較細級....
途中也會經過小溪流...
都幾似西貢萬里長城....
以我細小身型, 行咁多上落石級, 開始有攰意....
尾段, 一路石級, 細媽間中都抱下我, 俾我休息....
見到 L016 直昇機坪, 即係快行完....
呢個十字位要留意, 原來有條路叫南山古道, 又係南山樹林研習徑, 我地已經攰, 無打算行, 落幾步就係自然護理署車路....
到呢度, 就係鳳凰徑第二段起點, 今日一共玩左 7.5 小時, 超晒值
我地橫過嶼南道, 坐車車回家喇
嘩, 長征呀
回覆刪除我想問d 石屋以前有咩用架?
[版主回覆01/21/2013 16:14:12]渡假勝地
嗚嗚嗚~ 做咩行大東山唔預我呀 !! 我想行好耐ka la
回覆刪除[版主回覆01/22/2013 15:50:29]又好似你幾年前提過, 我忘了
如果你地行, 我估 5 小時內埋影相同玩, 龜速婆婆用多左 2.5 HRS, 我怕你要等
荒山野領起啲屋係度咁奇怪o既
回覆刪除[版主回覆01/22/2013 15:16:21]傳聞 1 : 五 、 六 十 年 代 ， 一 英 資 集 團 在 港 工 作 的 員 工 患 上 了 思 鄉 病 ， 於 是 該 機 構 找 到 大 東 山 營 地 上 興 建 了 十 數 間 石 屋 ， 屋 內 設 備 齊 全 ， 並 築 有 游 泳 池 ， 供 員 工 渡 假 ， 以 舒 緩 他 們 的 思 鄉 情 緒 ， 這 個 營 地 就 是 大 東 山 「 爛 頭 營 」 了 。
傳聞 2 : 石屋建於三十年代，洋人傳教士為避暑而建(有說是由居港外籍人士所建，作度假之用)，當年嶼南道尚未興建，一沙一石均用人力從梅窩搬運上來。