130113逆走港徑一

今日同昨日天色對比真大



今日行程係細媽安排ga

又係由呢度落

但係山頂落薄扶林水塘, 我地上個月咪行過o羅, 似乎無新意喎.....


算把啦, 細媽都無上網睇行山資料, 翻炒都無問題, 我地成日都係咁啦, 行山志在開心, 唔需要次次新鮮...


出來玩最重要都係好天氣.....

睇到婆婆行到自在笑, 全家都安樂

但就咁落, 好快行完喎....

來到港島徑第一段的接駁位, 原來細媽話今次唔落水塘, 行返上去山頂喎

上返去咪即係逆行港島徑第一段o羅....


細媽今次有新意喇

仲係平坦小徑, 加上點點涼意, 行得都舒服....


經下河溪, 我諗都無諗過踏入水玩, 都幾驚跌落水凍屎....

行行下, 大細媽見到呢塊高個人的大石, 細媽話似大樹菠蘿呀....

大部份都係樹蔭下, 一定要跑下熱身....

見有開揚位, 暖暖陽光, 好舒服....

其實一路都係落, 一陣上返山, 會唔會好甘...

呢段路好多人行, 但都係同我地反方向.....


今日煙霞好勁, 好彩我地無去旺區咋....

行左差不多有 5 公里了, 見到路牌, 有明確指示, 上山頂纜車站仲有 4.5 公里....


大家有心理準備喇, 準備上山....

頭段都仲係平坦小徑....


開始石級上....

雖然係石級, 但每級高度差不多, 唔難....

到分岔位, 直去係克頓道, 都可以上返山頂或落香港大學, 我地當然沿港島徑行, 即轉上去....


初初見開揚石級都幾驚, 原來又好快行完, 落就多, 當係上返咁多....

我成日聽媽咪講龍虎山, 今日終於來, 我企呢個位, 以前係機槍堡.....

今日改建成觀景台....


昔日用水泥偽裝成大石的台仲係度, 但槍口位已經被密封....


呢度已成郊遊地點, 好多行山人都來休息...

原來我位處西高山o架, 可惜唔係西高山山頂...


媽咪想過好多次上西高山, 究竟會唔會成行呢...., 留待日後有機會先揭曉, 因為佢自己都唔知

上返山頂, 唔再需要行小徑同石級....


上岋幅度唔大, 上斜一D都唔辛苦....

上到盧吉道.....


繼續港島徑, 其實亦係爐峰自然步道, 我地由山頂落水塘一段, 亦是自然步道...


我地起步開始, 已經拖慢腳步行.....

行山頂總會遇到好多人讚我識戴太陽帽保護眼睛, 但今日竟然有個內地女人用好差語氣話我係戴口罩, 正一怪人....


我地用左唔夠4 小時, 舒舒服服行左 9 公里....

連玩兩日好滿足, 媽咪話下星期天氣好, 要帶我同婆婆去挑戰, 究竟係去邊