130105紅藍綠元圓荃

我地朝早入到大棠, 媽咪佢地食下早餐, 去下廁所, 搞左一大輪, 唔駛到 9 點就可以起步

細媽又下指令唔准 hea, 我咪行快D o羅, 但都要婆婆肯配合先得o架....


唔通係星期六, 無乜人....

 

行左唔太耐, 已經開始見楓香....

雖然已經枯乾了好多, 但如果早排來, 我地怕似去左旺角....

我就唔可以獨霸整條紅葉路....

當然間中有單車同行山人經過....

我地最多都係等一陣就避了人影....

今年用 J1 影, 效果似乎差過部 Canon 傻瓜機....

好彩在陽光下, 仲影到少少滿意相....

紅藍綠 - 光三原色出晒來.....

但一在暗位, D色就......

連側光都係麻麻地......

我地未到10點已經到吉慶橋, 今日會行去荃灣, 所以細媽怕我地行得慢, 成日催促....

我地由入泥徑喇....

我地唔係元荃完全走ga, 我地會在林中左右穿梭, 避開上高下斜, 所以我地轉入去圓墩郊遊徑方向行....

入左圓墩郊遊徑, 平坦小徑, 行得舒服多...

接住又轉返上元荃古道C6115...

出返車路, 要留意來往的越野單車同汽車...

到清快塘 C6112, 都係 11:42am 咋, 仲未到午飯時候, 繼續行程....

今日唔行山係好蝕底, 幾好陽光....

又入返車路....

高樹下, 晴天下, 開心下....

我地唔行官方路線, 行遠一點, 轉行水管徑....

有嚴禁單車進入指示, 但都好多偷雞, 我要留意下...

話明水管徑, 一路都有水管伴行....

哈哈, 12:46pm 又轉返入官方古道, 我地在此小休食午餐...

逗留 20分鐘又起步, 行左三分二路, 今日唔 hea , 唔留太耐, 係快好多....

11年12月31日1大姨媽來時, 呢段路仲係修葺中, 條路掘爛晒.....

今次已經整好晒....

原來係為回歸15周年而起.....怪不得啦.....


以前部份路都有石板圍成石級, 都幾有特色 ga...

今日變成石級....

係好行左, 但變左無行山感覺....

以前長命斜....現在長命級....

原來有人數過 -  624 級....

來到呢個分叉位, 婆婆記得我地有次由麥徑經上塘來到呢度, 有時佢都有記性o既......

我剛才又玩鑽草, 又玩到成面都係枯枝, 草同黐身果, 細媽要用毛掃清埋先走得....

蓮花山 - 行過兩次, 計劃下先....

兩鐘多到石龍拱....

下山路已經完成石板路, 好好走....

見到官方起點...

14:45pm 抵達, 仲有一公里先到柴灣角...

準備入下花村時, 媽咪見一隻黑唐狗, 就叫細媽抱起我行, 行近點, 見有三隻黃唐狗走近身, 當時媽咪叫佢地行開, 有位嬸嬸都有喝止佢地, 佢地都算乖, 點知迎面一隻混種聖班納見到我即吠, 於是村屋其他狗地撲晒出來, 成 7-8 隻大狗圍實我同細媽, 細媽惟有抱高我迎向大岩石, 隻混種聖班納撲上細媽背幾次, 媽咪都無符, 只有示停叫佢地行開, 好彩佢地無張牙露齒, 可能對我好奇, 幸好村屋走出伯伯來, 即係佢地主人, 拿鐵枝趕返佢地入屋咋....

我全程嚇到唔敢哼一聲, 細媽都嚇壞, 好彩有驚無險, 遠離現場, 我先識笑返, 媽咪叫下次都係入袋先過村了....

未到 3 點半已經完成行程, 唔錯呀, 輕輕鬆鬆無壓力, 又唔太辛苦