120225生日週在老地方

一早打定輸數無運行, 媽咪仲瞓到唔願醒
好彩佢突然起身望望街, 見樓下地面乾爽, 嗱嗱臨叫我地換衫出發
呢幾日濕度係100度, 想行山或上高少少都幾難, 惟有在老地方會有保障

我地入到大水坑都已經 11點多, 既然係生日週, 細媽僅係事前預早有所準備....

下星期二係我 7 歲生日, 近幾年, 細媽都自制絨布生日蛋糕俾我

無陽光唔緊要, 無山行唔緊要...

最主要係有得出去行下.....

我同婆婆只可等大細媽放假先有街出....

所以我好緊要呢D日子來臨o架

個絨布蛋糕好靚.....

今次係鮮忌廉草莓蛋糕....

如果係真o既就好, 幾想食落肚呀

春天來, 除左潮濕, 仲係開花季節, 鬼針草開花好靚, 但結果變鬼針就煩左D lor.....

大家望下, 遠遠高樓, 全被濃霧遮掩, 住到咁高, 唔知係咪日日在仙境呢

一路行, 都係乾爽路, 但都感覺有粉粉雨.....

行到大涌河快 1 點, 突然落下大雨點, 點解次次都咁o岩ga......
雖然我著定雨衣做準備, 細媽怕我濕身凍親, 堅持要我上私家車.....

灑了一陣雨, 又停了, 我又可以繼續行....
路經一段, 見楓香已經出了嫩葉, 紅紅綠綠好靚.....
又想起郊野地方, 唔知下星期天氣會點呢.....