120102平實的行山日

新年假的最後一日, 我地一家實踐平實咁過....

就係簡單半日行同食午餐

好耐無來花心坑, 本來想 10月尾來行萬里長城看芒草, 一拖又一年

今日行程係廣源 > 花心坑 > 石芽背 > 萬里長城 > 打瀉油坳 > 芙蓉別 > 五聯達 > 大水井

一路上石級往牙芽背, 1.3 KM, 我地都要成個鐘, 因為婆婆要行下休息下GA.....

我地今早 9 點起步.....

10:15AM 又接返麥徑了...

其實萬里長城仲有另一邊, 我地無行, 因為係行去基維爾營地, 媽咪無試過行, 都係遲D先算.....

今日天灰灰, 好似無乜太陽咁, 但紫外線都高GA.....

無太陽曬實, 好行好多.....

無雲遮掩, 呢邊少樹蔭, 我一定熱屎....

到打瀉油坳, 雖然無芒草, 但好在都無垃圾......

上次來, 係毅行者後, 滿地膠樽 , 食物袋, 慘不忍睹.....

婆婆, 又落山啦......小心大石級....

條路咁窄GA.....

呢段路竟然用泥鋪成石級, 好好行.....

12:00NOON 到五聯達, 剛有一班行山人士走左, 竟然俾我霸到一張木櫈, 未試過.....

我地揀行去大水井, 僅係向北港方向行....

好快又到分叉位

慢斜落, 真唔難.....

一路石砌路....

途中發現呢個紀念碑, 係紀念舊日新界民政署建水管同水井, 供水給大水井一帶村民的, 之前生了野草被遮蔽了, 有心人剪草, 又重見天日.

唔夠 1:00PM就行完, 比以前快.....唔通少影相會快.....定係我地真行快左呢


今日又趕到去姐姐度食日本餐, 仲可以同佢地講 Happy New Year 添
行半日山, 食下野, 真平實, 唔需要多采多姿, 最緊要健康快樂